Asosiy vazifalari

4-mavzu. Shaxsni kasbga yoʻnaltirishda professional motivatsiyaning oʻrni

Kasbiy hamda professional yoʻnalganlik muammosi. Shaxsni kasbga nisbatan motivatsiyasi. Motivlarning anglanganlik darajasi, kasbga nisbatan ustanovka, ustanovkalarning turi va tuzilishi. Motivatsiyaning shaxs ehtiyojlari bilan bogʻliqligi: moddiy va ma’naviy ehtiyojlar. Abraam Maslouning motivlar ierarxiyasi hamda D. Mak Klellandning motivatsiya kontseptsiyalari. Muvaffaqiyatga intilish hamda magʻlubiyatdan qochish motivlari. Ijtimoiy adaptatsiyaning kasb tanlash va kasbiy mahorat bilan bogʻliqligi. Adaptatsiya va ijtimoiy adaptatsiya tushunchalarining psixologik talqini. Kasbiy adaptatsiyada shaxsning oʻzini oʻzi anglashining ahamiyati. Ijtimoiy adaptatsiya mohiyatan bir - biriga qarama-qarshi boʻlgan ikki jarayonning uygʻunlashuvi ekanligi: akkomadatsiya va assimilyatsiya. Ijtimoiy psixologik adaptatsiyaning muhim koʻrinishidan biri uning shaxsdagi kasbga oid sifatlarini toʻla namoyon etishiga imkoniyat beruvchi kasbiy adaptatsiya ekanligi. Kasbiy adaptatsiya, kasbiy saralash, professional tanlov tushunchalarining oʻzaro bogʻliqligi.

Psixologiyada affilyatsiya motivi va uning kasbiy psixologiyaga aloqadorligi. Ijtimoiy motivatsiyalar – shaxsni jamiyatdagi faolligini ta’minlovchi ma’naviy kuch ekanligi.