Asosiy uch-tovushliklarning sekstakkordlari. Reja

Asosiy uchtovushliklarning funksional sistemasi
Lad
Garmoniyaning nuqtai nazaridan lad birlashishga intiluvchi tonik uchtovushlik akkordlarining o’zaro munosabatlar sistemasidir. Bu ta’rifda bitta quyidagi ovozning tovushlari orasidagi melodik – interval munosabatlar hamda umuman akkordlar o’rtasidagi o’zaro aloqalar ham nazarda tutiladi.

Lad funksiyasi
Laddagi biror tovush yoki akkordning roli, boshqacha aytganda shu lad (tovush, akkord ) ning boshqa tovushlar yoki akkordlar bilan bo’lgan aloqasi yoki o’zaro munosabatlari lad funksiyasi yoki oddiygina qilb funksiya deyiladi. Bu aloqa faqat elemantlar – tovushlar yoki akkordlar o’rtasidagi interval nisbatlarining o’zgarmasligidagina emas, balki bu elementlarning, ya’ni tovushlar, akkordlarga xos bo’lgan izchil keskinlik bilan sustliklar (yechilishlar) ning birga qo’shiluvida ham ifodalanadi.
Funksionallik
Funksiyalarga xos bo’lgan keskinlik va sustliklar doirasi funksionallik deb ataladi. Funksionallikning tub manbai, funksiyalarning, ayniqsa ladning tonika bilan tonika bo’lmagan boshqa garmoniyalari o’rtasidagi qarama-qarshiliklardir.
Lad funksiyalari haqidagi ta’limotga asoslangan garmoniya nazariyasi funksional nazariya deb ataladi. Hozirgi vaqtda bu nuqtai nazar garmoniyada ko’proq yoyilgan.