Asosiy qoidalar

473-modda. Hukmni e’lon qilish
Oldingi
 tahrirga qarang.
Sud hukmni imzolaganidan keyin sud majlisi zaliga qaytib chiqadi va raislik qiluvchi yoki xalq
maslahatchisi hukmning qaror qismini e’lon qiladi.
(473-moddaning birinchi qismi O‘zbekiston Respublikasining 2012-yil 18-sentabrdagi O‘RQ-335-sonli
Qonuni
 tahririda — O‘R QHT, 2012-y., 38-son, 433-modda)
Sud majlisi zalida hozir bo‘lganlarning hammasi, shu jumladan sud tarkibi ham hukmni tik
turib eshitadilar.
Oldingi
 tahrirga qarang.
Agar hukm sudlanuvchi bilmaydigan yoki yetarlicha bilmaydigan tilda bayon qilingan bo‘lsa,
hukmning qaror qismi e’lon qilingandan keyin, mazkur qism tarjimon tomonidan sudlanuvchining
ona tilida yoki u tushunadigan boshqa tilda o‘qib eshittirilishi kerak.
(473-moddaning uchinchi qismi O‘zbekiston Respublikasining 2012-yil 18-sentabrdagi O‘RQ-335-sonli
Qonuni 
tahririda — O‘R QHT, 2012-y., 38-son, 433-modda)
3
4

---

Oldingi
 tahrirga qarang.
Raislik qiluvchi sudlanuvchiga va boshqa taraflarga hukmning mazmunini, hukm ustidan
apellatsiya tartibida shikoyat berish muddati va tartibini tushuntiradi. Basharti sudlanuvchi
favqulodda jazo chorasi — umrbod ozodlikdan mahrum qilishga hukm qilingan bo‘lsa, unga afv
etishni so‘rab iltimos qilish huquqi ham tushuntiriladi.
(473-moddaning to‘rtinchi qismi O‘zbekiston Respublikasining 2021-yil 12-yanvardagi O‘RQ-664-sonli
Qonuni 
tahririda — Qonun hujjatlari ma’lumotlari milliy bazasi, 13.01.2021-y., 03/21/664/0014-son)
Oldingi
 tahrirga qarang.
474-modda. Sudlanuvchini qamoqdan yoki uy qamog‘idan ozod qilish
Sudlanuvchi oqlanganda, shuningdek jazo tayinlanmasdan yoki jazodan ozod qilib yoxud
shartli ravishda ozodlikdan mahrum etib yoki ozodlikdan mahrum etish bilan bog‘liq bo‘lmagan
jazo tayinlab ayblov hukmi chiqarilganda, xuddi shuningdek sudlanuvchi dastlabki qamoqda
yoxud uy qamog‘ida bo‘lgan vaqtdan ortiq bo‘lmagan muddatga ozodlikdan mahrum qilish yoki
ozodlikni cheklash jazosi tayinlanganda, qamoqda yoxud uy qamog‘ida saqlanayotgan
sudlanuvchi bevosita sud majlisi zalining o‘zida darhol ozod qilinishi lozim.
(474-modda O‘zbekiston Respublikasining 2018-yil 18-apreldagi O‘RQ-476-sonli 
Qonuni
tahririda —
Qonun hujjatlari ma’lumotlari milliy bazasi, 19.04.2018-y., 03/18/476/1087-son)