Asosiy qoidalar

386-modda. Ehtiyot chorasi to‘g‘risida qaror
Oldingi
 tahrirga qarang.
Ayblov xulosasi yoki ayblov dalolatnomasi bilan kelgan jinoyat ishi bo‘yicha prokuror yoki
uning o‘rinbosari ehtiyot chorasini o‘z qarori bilan bekor qilishga, o‘zgartirishga yoki ilgari ehtiyot
chorasi tanlanmagan bo‘lsa, shunday chorani tatbiq etishga haqlidir. Bunda ushbu Kodeksning 28-
bobidagi qoidalar qo‘llaniladi.
(386-moddaning matni O‘zbekiston Respublikasining 2017-yil 6-sentabrdagi O‘RQ-442-sonli 
Qonuni
tahririda — O‘R QHT, 2017-y., 36-son, 943-modda)
387-modda. Sud majlisiga chaqirilishi lozim bo‘lgan shaxslarning ro‘yxatini o‘zgartirish
Oldingi
 tahrirga qarang.
Jinoyat ishi sudga yuborilgunga qadar prokuror yoki uning o‘rinbosari sud majlisiga
chaqiriladigan shaxslarning ro‘yxatini o‘z qarori bilan qisqartirish yoki to‘ldirishga haqlidir. Bunda
ayblanuvchilar, muomala layoqatiga ega bo‘lgan jabrlanuvchilar, voyaga yetmagan
ayblanuvchilarning qonuniy vakillari, shuningdek fuqaroviy da’vogar deb e’tirof etilgan shaxslar
yoki fuqaroviy javobgar tariqasida ishda ishtirok etishga jalb qilinganlar va ularning vakillari
ro‘yxatdan tushirib qoldirilishi mumkin emas. Dastlabki tergovda yoki surishtiruvda guvoh sifatida
so‘roq qilinmagan va ekspert sifatida xulosa bermagan shaxslar ro‘yxatga qo‘shimcha qilib kiritilishi
mumkin emas.
(387-moddaning matni O‘zbekiston Respublikasining 2017-yil 6-sentabrdagi O‘RQ-442-sonli 
Qonuni
tahririda — O‘R QHT, 2017-y., 36-son, 943-modda)
388-modda. Jinoyat ishini sudga yuborish
Oldingi
 tahrirga qarang.
Prokuror yoki uning o‘rinbosari ayblov xulosasini yoki ayblov dalolatnomasini tasdiqlab,
jinoyat ishini tegishli sudga yuboradi. Shu sudga ish bilan birga sud majlisida tekshirish va hal etish
uchun barcha iltimoslar va shikoyatlar yuboriladi.
(388-moddaning birinchi qismi O‘zbekiston Respublikasining 2017-yil 6-sentabrdagi O‘RQ-442-sonli
Qonuni 
tahririda — O‘R QHT, 2017-y., 36-son, 943-modda)
Oldingi
 tahrirga qarang.
Prokuror yoki uning o‘rinbosari ishning sudga yuborilganligi haqida ayblanuvchiga va
himoyachiga, shuningdek jabrlanuvchi, fuqaroviy da’vogar, fuqaroviy javobgar va ularning
vakillariga darhol xabar qiladi va, agar iltimoslari bo‘lsa, ularni sudga yuborishga yoki sud majlisida
bayon qilishga haqli ekanliklari to‘g‘risida ma’lum qiladi. Ayni vaqtda prokuror yoki uning o‘rinbosari
ayblanuvchiga va himoyachiga ayblov xulosasi yoki ayblov dalolatnomasi va unga qilingan
ilovalarning tasdiqlangan nusxalarini yuboradi, sud majlisiga chaqirilishi lozim bo‘lgan shaxslar
ro‘yxati bundan mustasno, basharti ayblov xulosasi yoki ayblov dalolatnomasi yoxud ilovaga
o‘zgartishlar kiritilgan bo‘lsa, ularni o‘zgartirish to‘g‘risidagi qarorning nusxasi ham yuboriladi.
5

---

(388-moddaning ikkinchi qismi O‘zbekiston Respublikasining 2017-yil 6-sentabrdagi O‘RQ-442-sonli
Qonuni 
tahririda — O‘R QHT, 2017-y., 36-son, 943-modda)
Oldingi
 tahrirga qarang.
Agar ayblanuvchi qamoqda saqlanayotgan bo‘lsa, ushbu moddaning 
ikkinchi qismida
ko‘rsatilgan hujjatlar prokurorning topshirig‘iga ko‘ra unga qamoqda saqlash joyining ma’muriyati
tomonidan ular kelib tushgan kuni tilxat olib topshiriladi, tilxat hujjatlar topshirilgan sana va vaqt
ko‘rsatilgan holda sudga taqdim etiladi.
(388-modda O‘zbekiston Respublikasining 2011-yil 29-sentabrdagi O‘RQ-299-sonli 
Qonuniga
asosan
uchinchi qism bilan to‘ldirilgan — O‘R QHT, 2011-y., 40-son, 410-modda)