Asosiy qoidalar

266-modda. Ishni sudga qadar yuritish bosqichida shaxsni tibbiy muassasaga
joylashtirish to‘g‘risida iltimosnoma qo‘zg‘atish
Oldingi
 tahrirga qarang.
Shaxsni tibbiy muassasaga joylashtirish uchun asoslar mavjud bo‘lganda prokuror, tergovchi
va surishtiruvchi shaxsni tibbiy muassasaga joylashtirish to‘g‘risida iltimosnoma qo‘zg‘atish haqida
mazkur protsessual majburlov chorasini qo‘llash asoslarini bayon etgan holda qaror chiqaradi.
(266-moddaning birinchi qismi O‘zbekiston Respublikasining 2017-yil 6-sentabrdagi O‘RQ-442-sonli
Qonuni 
tahririda — O‘R QHT, 2017-y., 36-son, 943-modda)
Shaxsni tibbiy muassasaga joylashtirish to‘g‘risida iltimosnoma qo‘zg‘atish haqidagi qarorda:
tibbiy muassasaga joylashtiriladigan shaxs haqidagi ma’lumotlar va uning protsessual holati;
shaxsni tibbiy muassasaga joylashtirish asoslari; shaxs joylashtiriladigan tibbiy muassasaning nomi;
ehtiyot chorasi to‘g‘risida taklif etilayotgan qaror ko‘rsatiladi. Qarorga iltimosnomani asoslovchi
zarur materiallar ilova qilinadi.
Oldingi
 tahrirga qarang.
Surishtiruvchining yoki tergovchining shaxsni tibbiy muassasaga joylashtirish to‘g‘risida
iltimosnoma qo‘zg‘atish haqidagi qarori va zarur materiallar prokurorga yuboriladi.
(266-moddaning uchinchi qismi O‘zbekiston Respublikasining 2017-yil 6-sentabrdagi O‘RQ-442-sonli
Qonuni 
tahririda — O‘R QHT, 2017-y., 36-son, 943-modda)
Prokuror shaxsni tibbiy muassasaga joylashtirish to‘g‘risidagi iltimosnomaning asosliligini
tekshirib, unga rozi bo‘lgan taqdirda, shaxsni tibbiy muassasaga joylashtirish to‘g‘risida
iltimosnoma qo‘zg‘atish haqidagi qarorni va zarur materiallarni sudga yuboradi.
(266-modda O‘zbekiston Respublikasining 2012-yil 18-sentabrdagi O‘RQ-335-sonli 
Qonuni
tahririda —
O‘R QHT, 2012-y., 38-son, 433-modda)
Oldingi
 tahrirga qarang.