Асосий касалликнинг баёии

Битлаш (Pedicuiosis).
Одам терисида битларнинг уч тури кузатилади: бош, кийим ва қов 
битлари. Бош битлари бошнинг сочли қисмида, кийим битлари кийимбош ва тўшакларда, қов 
битлари эса қов, оралиқ, орқа чиқарув тешиги, қўлтиқ соҳаларида жойлашади. Санитария-ги-
гиена қоидаларига риоя қилмаслик, жумладан кийим-бошларни вақтида ювиб тозаламаслик, 
ҳаддан ташқари ифлослик битлашга олиб келади. Тозаликка риоя қиладиган оилаларга бит 
мактаб ва боғчаларга қатнайдиган болалар томонидан келтирилади. Шу сабабли болалар 
боғчаларида ҳар куни сифатли кўрикни ташкил этиш битлашнинг олдини олади. 
Битларнинг чақиши натижасида терида дерматит ривожланади. Шунингдек битнинг 
сўлагидаги токсин (заҳар) бадан терисида яллиғланган доғлар, қаварчиқ ва тугунчаларнинг 
пайдо бўлишига сабаб бўлади. Бит жойлашган тери соҳалари қичийди, тирналган излар ҳосил 
бўлади, сўнгра улар ўрнида геморрагик қобиқлар пайдо бўлиб, бу жараѐн доғланиш 
(пигментация) билан тугайди. 
Битлашни даволашда керосин, симоб малҳамлари ва бензил бензоат кўп ишлатилади. 
Бош битлаганда соч керосин билан ювилади. Нобуд бўлган битлар ва уларнинг тухумларидан 
сочни ѐғлаб тараш йўли билан тозаланади. Кийим ва қов битларида эса кийим ва тўшаклар 
қайнатилиб, дазмолланади. Шу билан бирга битлаган соҳалардаги сочлар устара билан 
қирилиб, 5-10% оқ ѐки сариқ симоб малҳами суртилади. Нитифор ва 25% бензил бензоат 
эритмаси ҳам яхши самара беради. 

---

3. Машғулотнинг мақсади. 
Талабалар терининг паразитар касалликларини қўзғатувчилар тўғрисида тушунчага эга 
бўлишлари, уларнинг асосий клиник белгиларини билишлари ва ўхшаш касалликлардан 
ажрата олишлари лозим. Шунингдек пашшахўрда, қўтир ва битлашнинг даволаш 
усулларини ва олдини олиш чораларини билишлари лозим. Бунинг учун улар
қуйидагиларни ўзлаштирган бўлишлари шарт: 
а) пашшахўрда касаллиги бўйича - лейшманияларнинг табиати, кемирувчиларни 
таърифлаш, касаллик эпидемиологияси, пашшахўрданинг зооноз ва антропоноз турларининг 
симптоматологияси ва бир-биридан фарқ қилиш, даволашда қўлланиладиган дори 
моддалари, пашшахўрдага қарши кураш; 
б) 
қўтир бўйича - қўтир канасини таърифлаш, касаллик диагностикаси, замонавий даво 
усуллари, болалар муассасаларида қўтирнинг олдини олиш; 
в) 
битлаш - битларнинг турларига таъриф бериш, даволаш.