Асосий касалликнинг баёии

2-ж а д в а л 
 Эрта туғма
захмга учраган болаларни даволаш 
Гўдакнинг ѐши Дорининг ҳар бир кг тана оғирлигига 
тўғри келадиган суткалик миқдори 
Дорини юборилиш миқдори 
(ҳар 4 соатда) 
0 ойгача 
6 ойдан 1 ѐшгача 
1ѐшдан 2 ѐшгача 
100 000 ТБ/кг 
75 000 ТБ/кг 
50 000 ТБ/кг 
50 000-100 000 ТБ дан 100 000-
150 000 ТБ дан 100 000-200 000 
ТБ дан 
Масалан, оғирлиги 6 кг бўлган 4 ойлик гўдакни даволаш учун
 
пенициллин эритмаси 
суткасига 600 000 ТБдан (100 000 ТБ дан ҳар 4 соатда) 30 кун давомида (жами 18 млн. 
ТБ) юборилиши керак. Пенициллин эритмаси билан олдини оладиган (профилактик) даво
2 ҳафта давомида ўтказилади. Бунда дорининг суткалик миқдори 100 000 ТБ/кг ни ташкил 
этади. Масалан, оғирлиги 5 кг бўлган бир ойлик чақалоққа кунига 500 000 ТВ, жами 7 млн. 
ТБ пенициллин юборилади. Огоҳлантирувчи (превентив) даво кўпинча 3 ѐшгача бўлган 
болаларда ўтказилиб, пенициллиннинг даво миқдори гўдакнинг ѐшига қараб турлича: 
—
1 ѐшгача бўлган болаларга 500 000 ТБ/кг; 
—
1-5 ѐшга 400 000 ТБ/кг; 
—
6-10 ѐшга – 300 000 ТБ/кг; 
—
11 – 15 ѐшга – 200 000 ТБ/кг; 
—
ѐши 15 дан ошган ўсмирларга 100 000 ТБ/кг ни ташкил этади. 
Захмга учраган беморларни даволашда қўлланиладиган 
носпецифик даво
усуллари 
кўпинча унинг кеч даврларида (кеч яширин захм, учламчи захм, ички аъзолар ва асаб 
системасининг захми) яхши самаралар беради. Иккиламчи қайталанган ва эрта яширин 

---

захмларда ҳам носпецифик дори-дармонлар бериш мақсадга мувофиқдир. Бунда кўпроқ 
қуйидаги носпецифик препаратлар ишлатилади: 
1.
Пироген моддалар (пирогенал, продигиозан); 
2.
Биоген стимуляторлар (алоэ, ФиБС, шишасимон тана, спленин); 
3. Витаминлар (тиамин, пиридоксин, витамин С, витамин В
12
)
. 
4
. 
Носпецифик иммун дорилар (декарис, натрий нуклеинат, метилурацил);
5. Қонни ультрабинафша нурлар билан нурлаб қайта юбориш (реинфузия);
6. Давога мослашишни тезлаштирувчи (адаптоген) препаратлар (пантокрин, 
элеутерококк ва бошқалар).
Серорезистент захмда, серологик қайталаниш ҳолларида, орқа мия суюқлигида чуқур 
ўзгаришлар кузатилганда носпецифик давони кенг кўламда қўллаш, айниқса пироген даво 
кутилган натижалар беради. 
Ҳозирги пайтда захм касаллиги муваффақиятли даволанмоқда. Захмнинг энг оғир 
турлари (кўриш нервининг атрофияси, орқа мия сухтаси, ривожланган фалажлик) кам 
кузатилмоқда. Туғма захм ҳам камайиб бораяпти. Захмнинг эрта даврларида даво 
чораларини бошлаш касалликнинг бутунлай тузалиб кетишига гаров бўла олади. 
Захмга қарши даволанган беморларда касаллик белгиларининг йўқолиши, серологик 
реакциялар жавобининг манфийлашиши бемор захмдан ҳоли бўлади, деган сўз эмас. Захм 
белгилари маълум муддатдан сўнг яна пайдо бўлиши, серологик реакциялар қайта мусбат 
жавоб бериши мумкин. Шу сабабли захмдан даволанганлик мезони даво олган беморларни 
узоқ муддат мобайнида кузатиб борилганда аниқланади. Диспансер ҳисобига олинган 
беморлар бир йилдан 5 йилгача кузатилади: 
- бирламчи серонегатив захмга учраган беморлар - 1 йил; 
- бирламчи серопозитив, иккиламчи янги захм - 3 йил. 
- иккиламчи қайталанган, яширин ва учламчи захм, шунингдек захмнинг бошқа кеч 
турлари - 5 йил. 
Эрта ва кеч туғма захмга қарши даволанган беморлар ва олдини оладиган (профилактик) 
даво олган болалар 5 йиллик муваффақиятли клиник ва серологик куза-тувдан сўнг ҳисобдан 
чиқарилади. 
Бунда захм билан оғриган беморларда классик серологик реакцияларнинг барчаси 
манфий жавоб бермагунча улар хар ойда клиник ва серологик назоратдан ўтказиб турилади. 
Шундан сўнг бир йил мобайнида ҳар чоракда, кузатувнинг иккинчи ва учинчи йилларида эса 
ҳар олти ойда бир марта клиник-серологик текширувдан ўтказилади. Назоратнинг кейинги 
йилларида беморлар йилига бир марта клиник ва серологик текширувлардан ўтиб туришлари 
шарт. Клиник ва серологик кузатувларнинг барча давр ва
 
босқичлари бемор қайси туман ѐки 
вилоятда яшаб турган бўлса, ўша жойдаги диспансерда ўтказилади. Гап шундаки, даволаш 
бошқа шаҳарларда жойлашган диспан-серларда ўтказилган бўлиши мумкин. 
Замонавий даволаш усуллари ѐрдамида сифатли ва вақтида ўтказилган даво захмга 
учраган беморларнинг бутунлай соғайиб кетишларига олиб келади. Даволанган беморларни 
қуйидагилар асосида захм инфекциясидан ҳоли бўлган деб ҳисоблаш мумкин: 
1)
захмнинг барча даврларида, хусусан унинг бирламчи ва иккиламчи даврларида 
бошланган ва сифатли ўтказилган даво туфайли мазкур беморларда бутун кузатув 
мобайнида захмнинг бирор белгилари пайдо бўлмаслиги; 
2)
захмнинг янги белгилари фақат қайта (такрорий) юқиш оқибатида пайдо бўлганда; 
3) спепифик даво ўтказилгандан сўнг ҳомиладор бўлган аѐллардан туғилган болаларда 
захмнинг ҳам клиник, ҳам серологик белгилари кузатилмаслиги, бу ўринда 
ҳомиладорликнинг биринчи ярмида ўтказилган сифатли даво натижасида ҳам соғлом 
болалар туғилаѐтганлигини таъкидлаш лозим; 
4) захмга қарши сифатли даволанган, аммо бошқа бахтсиз ҳодисалар натижасида 
ўлган кишилар ѐриб кўрилганда уларнинг ички аъзоларида захмнинг бирор специфик
белгилари топилмаганлиги. 

---

Аммо баъзи беморларда ўтказилаѐтган даво чораларига қарамасдан классик
серологик реакциялар мусбат жавоб бериши мумкин. Узлуксиз усул билан даволангандан
сўнг бир йилдан ортиқ бўлган муддат мобайнида КСР натижаларининг ўта мусбат қолиш 
ҳолларига серочидамлик захм дейилади. Шунингдек сурункали усул билан даво 
ўтказилаѐтган ва даволашнинг охирги курси бошланган беморларда КСРнинг мусбат 
жавоблар бориш ҳоллари ҳам серочидамлилик деб тушунилади. Захм беморларида 
серочидамлик ҳоллари кузатилганда қўшимча даво курслари буюрилади. Бундай ҳолларда 
кўпинча иккиламчи қайталама захмга учраган беморларда ўтказиладиган даво такрорланади. 
Серочидамли захмда антибиотиклар ва висмут препаратлари йиғиндисини ўз ичига олган 3 
курс даво ўтказилса ҳам бўлади. Серочидамлик захмга қарши танланган даво усулларидан 
қатъи назар, бу специфик даво носпецифик даво усуллари билан қўшиб ўтказилгани маъқул. 
Захмнинг кеч даврларида (ички аъзолар ва асаб системаси захмларининг барча турларида)
ўтказилган даво чораларига қарамасдан КСРнинг мусбат жавоб бериш ҳоллари
серочидамлик деб тушунилмайди. Шу сабабли қўшимча даво курслари буюрилмайди. 
Захмнинг бундай кеч турларида касалликнинг клиник белгиларининг йўқолиши давонинг 
асосий тузалганлик мезони ҳисобланади. 
Захмга қарши даволанган беморларда қуйидагилар даволанганлик мезони бўлиб хизмат 
қилади: 
а) ўтказилган даво чораларининг сифати (қўлланилган усулнинг тўғрилиги, дори 
миқдорининг етарли даражада бўлиши, препаратларни алмаштириб туриш тартиби, даво 
курслари орасидаги муддат ва бошқалар); 
б) тери ва шиллиқ қаватларда захмга алоқалор белгиларнинг йўқлиги; 
в) ички аъзо ва системаларда кузатиладиган специфик ўзгаришларнинг ҳозирги ҳолати; 
г) рентгенологик текширув натижалари; 
д) лаборатория (клиник, серологик, ликворологик) текширувларнинг натижалари. 
Шу сабабли орттирилган ва туғма захм бўлиб ўтган беморлар ҳисобдан чиқарилишидан 
аввал, улар синчковлик билан ҳар томонлама текширувдан ўтказилиши керак. Айниқса, 
педиатр ва терапевт (беморнинг ѐшига қараб), невропатолог, окулист, отоларинголог, 
гинеколог (аѐл ва қизларда), рентгенологларнинг клиник текширувлари натижаси жуда 
муҳим. Шунингдек қон ва орқа мия суюқлиги олиниб, барча серологик реакциялар (КСР, 
ТҲЧР, ИЁР) қўйилиши лозим. Рентгенологик кузатув ўтказилади. 
Клиник, серологик кузатувлар даврида захмнинг янги белгилари кузатилмаган, барча 
аъзолари ва системаларида ривожланаѐтган специфик ўзгаришлар аниқланмаган, серологик 
реакциялар манфий натижалар берган беморлар (захмнинг кеч даврлари бундан истисно) 
соғлом деб тан олинади ва ҳисобдан чиқарилади. 
Захмнинг юқумли турлари билан касалланиб ўтган одамларга болалар муассасаларида ва 
умумий овқатланиш муассасаларида сифатли даво натижасида касалликнинг барча клиник 
белгилари йўқолгандан сўнг ишлашга рухсат берилади.