Асосий касалликнинг баёии

Қаттиқлашган шиш
– одатда катта ва кичик жинсий лаблар, жинсий олат халтачаси 
соҳасида (лимфа томирларига бой жойларда) учрайди ва тарқоқ инфильтрат ҳисобига бу 
аъзолар бир неча марта катталашади. Шикастланган жойга қўл билан босиб кўрилса, ўрнида 
чуқурча қолмайди. Шиш соҳасидаги тери ўзгармайди, баъзи ҳолларда эса кўкимтир-бинафша 
рангида бўлиб, касаллик айтарли безовта қилмайди. Чов лимфа тугунлари катталашади. 
Ҳасмол-шанкр
кўпинча 
шифокорларда 
(лаборантларда, 
гинекологларда, 
стоматологларда, жарроҳларда) учрайди. Ҳасмол-шанкр қўл жимжилоғи шишиши, кўкиш-
гунгурт рангли бўлиши ва оғриқ билан ўтиши билан оддий ҳасмолни эслатади, лекин қаттиқ 
инфильтратнинг борлиги, ўткир яллиғланишнинг бўлмаслиги ҳамда тирсак лимфа 
тугунларининг катталашиши ҳасмолнинг аниқ табиатини англаб олишга ѐрдам беради. 
Шунга қарамасдан, фақат клиник белгилари асосида ҳасмол-шанкр деб хулоса чиқариш 
нотўғри ҳисобланади. 
Шанкр-амигдалит
– бодомча безининг катталашиши ва қаттиқлашиши билан 
таърифланади. Агар бодомча бези устида эрозия ѐки яра бўлса, унда шанкр-амигдалит эмас, 
балки бодомча безида жойлашган бирламчи сифилома деб ҳисобланади. Бодомча безидаги 
яллиғланиш чегараланган бўлиб, атрофдаги шиллиқ пардалар ўзгармайди, жағ ости лимфа 
тугунлари катталашади, склераденит бир томонлама жойлашади ва ютинганда оғриқ 
сезилмайди, бадан ҳарорати ўзгармайди. Буларнинг ҳаммаси шанкр-амигдалитни катарал 
ангинадан фарқ қилишга хизмат қилади. 
Уччала ҳолда ҳам касаллик тарихини суриштириш, зарарланган жойлардан оқиш 
трепонемани топиш, беморнинг жинсий шерикларини текшириш ва мусбат серологик 
реакциялар диагноз қўйишда ҳал қилувчи роль ўйнайди. 
Қаттиқ шанкр юзасига иккиламчи инфекциянинг тушиши натижасида унинг асоратлари 
– баланит, баланопостит, фимоз, парафимоз, жинсий олат гангренаси ва фегеденизацияси 
ривожланиши мумкин. Қаттиқ яранинг баланит, баланопостит, фимоз, парафимоз каби 
асоратлари қаттиқ шанкр закар бошчасида ѐки препуциал халтачанинг ички варағида
жойлашганда учрайди. Бундай ҳолларда шанкр атрофи қизариб шиш пайдо бўлади, шанкр 
юзасидан ажралаѐтган сероз суюқлик йирингланади, бу эса ўз навбатида оқиш трепонемани 
топишни қийинлаштиради.