Аскар мактуби

ЛОЙИҲАНИНГ ШАКЛЛАРИ

Лойиҳани амалга ошириш даври учун илмий жамоанинг режалаштирилган таркиби: жамоа аъзолари исми, фамилияси, шарифи (мавжуд бўлса), уларнинг ариза бериш чоғидаги ёши, илмий даражалари, лавозими ва асосий иш жойлари, ташкилот билан муносабат шакли ҳар бир киритилаётган аъзонинг Ф.И.О.си тўғрисига ёзилади. Масалан, Абдуллаев Абдулла Абдуллаевич – фуқаролик-ҳуқуқий шартномаси; Каримов Карим Каримович - меҳнат шартномаси, шу каби.

Лойиҳани бажариш учун лаборатория мавжудлиги ва у ҳақида маълумотлар ҳам аниқ берилиши талаб этилади. бу лойиҳани бажаришда моддий техник базаси мавжуд ёки мавжуд эмаслиги, сўралаётган маблағга нақадар мослиги ўрганилади.

Лойиҳанинг 2- ва 2а-шаклларида маълумотлар тўлдирилишига алоҳида эътибор талаб қилинади, чунки бу лойиҳанинг салоҳиятини белгилашда, лойиҳа иштирокчиларнинг ушбу лойиҳани бажариш бўйича олиб борган тадқиқотлари ҳақида маълумотларни олишга ёрдам беради.

Лойиҳа раҳбари ва иштирокчиларининг мезонларда талаб қилинган илмий ишлар рўйхати (охирги 3 йил давомидаги нашрлар қуйидаги хронологик тартибда келтирилиб, изчил кетма-кетликда рақамланади: монография; патент; илмий мақола; илмий тўпламлар ва бошқа нашр ишлари) 3.4-шаклга қатъий риоя қилинган ҳолда расмийлаштирилади ва муаллиф, илмий котиб томонидан имзоланади ҳамда ташкилот муҳри билан тасдиқланади.

Ўзбекистон Республикаси Инновацион ривожланиш вазирлиги

ЛОЙИҲАНИНГ ШАКЛЛАРИ

Лойиҳанинг4- ва 5-шаклларида қуйидагилар аниқ кўрсатилиши керак:

илмий-тадқиқот гуруҳининг таркиби ҳар бир лавозимга талаблар тавсифи билан;

лойиҳа маблағларининг илмий-тадқиқот лойиҳасини амалга ошириш учун зарур бўлган моддий-техник ресурс базасини (бинолар, жиҳозлар, инвентарлар, дастурий таъминот, маълумотлар базалари, маълумот манбалари ва бошқалар) шакллантиришга йўналтирилганлиги (камида 40 фоиз миқдорида), илмий жамоа учун яратиб бериладиган шарт-шароитлар мавжудлигини кўрсатувчи маълумотлар;

ушбу ишларни амалга ошириш билан шуғулланадиган тадқиқот гуруҳи аъзолари билан ишлашнинг кетма-кетлигини тавсифловчи календарь режа;