Ащоли статистикаси

АҲОЛИ СТАТИСТИКАСИ

Режа:

1. Аҳоли ва уни статистик ўрганиш.

2. Аҳоли ҳаракати статистикаси.

3. Аҳоли истиқболдаги сонининг аниқлаш

1. Аҳоли ва уни статистик ўрганиш

Аҳоли статистикаси статистиканинг энг қадимги тармоғи ҳисобланади.

Аҳоли статистикасининг ўрганиш объекти муайян ҳудудда яшовчи одамлар йиғиндиси ҳисобланади.

1. Аҳоли ва уни статистик ўрганиш

Аҳоли статистикасида кузатиш бирлиги кўпинча алоҳида одам, индивид ҳисобланади. Шу билан бирга битта оила ҳам бирлик бўлиши мумкин.
Аҳоли статистикасида жами аҳоли, аҳолининг алоҳида ижтимоий гуруҳлари, меҳнат ресурслари ва ҳоказолар кузатиш объекти бўлиши мумкин. Кузатиш объекти ва бирлиги тадқиқот мақсадига боғлиқ ҳолда танланади.
Аҳоли статистикасининг асосий манбалари жорий ҳисоб ва ёппасига ёки танлама рўйхатга олиш кўринишидаги кузатишлар ҳисобланади.

Аҳолини статистик таҳлил қилишда қуйидаги вазифаларни ҳал қилиш лозим

аҳоли сони ва унинг мамлакат ҳудуди бўйича жойлашишини ўрганиш;
аҳоли таркибини (жинси, ёши, миллати, ижтимоий аҳволи, маълумоти, бандлиги ва бошқалар бўйича) ўрганиш;
аҳолининг табиий ҳаракатини (туғилиш, ўлиш, табиий ўсиш, никоҳдан ўтиш ва бекор қилиш) ўрганиш;
аҳоли миграциясини ўрганиш;
аҳолига ижтимоий тавсиф бериш ва ҳоказо.
1. Аҳолини жинси бўйича гуруҳлаш унинг таркибида эркаклар ва аёллар сонини аниқлашга имкон яратади.
2. Аҳолини ёши бўйича гуруҳлаш (боғча ёшидаги, мактаб ёшидаги, меҳнатга лаёқатли ёшдаги аҳоли сони, меҳнатга лаёқатли ёшдан кичик ва катталар сони ва бошқалар).
3. Аҳолининг миллий таркибини ўрганиш.
4. Аҳолини оилавий аҳволи бўйича гуруҳлар ажратиш (ҳеч қачон никоҳдан ўтмаганлар, бева қолганлар, никоҳдан ўтмаганлар, ажрашганлар ва бошқалар).
5. Меҳнатга лаёқатли шахслар орасида иқтисодиётда банд бўлганлар ва ишсизлар сони ҳам ўрганилади. ўз навбатида, банд бўлган аҳоли учун иқтисодиёт тармоқлари ва секторлари бўйича гуруҳланади.
6. Аҳолини маълумот даражаси бўйича ўрганиш (олий, тугалланмаган олий, ўрта махсус, умумий ўрта, тўлиқсиз ўрта).