Қашқадарё вилоят суди раиси А. Махкамовга

Шикоятда ёзилган 37-уй 18-хонадон бўйича ушбу ҳолат яъни, М.Муродов – Х.Маматкаримовага 37-уй 18-хонадонни расмийлаштириб берганлиги, аслида бундай ҳужжат жиноят иши материалларида умуман йўқлигини 6 йил давомида ёзиб келиб, исботини топиб берганмиз.
Айнан мана шу хусусида Олий суднинг ўзи чиқарган 2017 йил 21 декабр кунги ажримида жиноят ишини мана шу қисми фуқаролик тартибида кўрилиши белгиланган эди. Лекин М.Муродов ва Х.Маматкаримова ўртасида бундай олди-сотди шарномаси тузилмаганлиги ўз исботини топгандан кейин Олий суд раиси К.Ф.Комиловнинг ўзи ана шу ўзлари чиқарган 2017 йил 21 декабр кунги ажримини бекор қилиш ҳақида протест киритиб берган эди.
Исботловчи барча ҳужжатларни судларга тақдим қилганмиз. Жиноят иши материалларида мавжуд. Бундай шартнома йўқлиги ўз исботини топган эди.
37-уй 18-хонадон жиноят ишига алоқаси бўлмаган М.Муродовнинг турмуш ўртоғи Дилбар Муродова номида бўлиб, Д.Муродова бу уйни 18.000.000 сўмга Ирода Ўринбосаровага ишончнома орқали берган. Мана шу хусусида И.Ўринбосарова 37-уй 18-хонадон учун 18.000.000 сўмлик қарздорлик ҳақида М.Муродовга ёзган тилхати жиноят ишида мавжуд. Худди шунингдек И.Ўринбосарованинг 18.000.000 сўмни 37-уй 18-хонадон учун пулини тўлаб берганлиги ҳақидаги тилхати ҳам жиноят ишида мавжуд. Д.Муродовадан 37-уй 18-хонадонни И.Ўринбосарова 18.000.000 сўмга сотиб олганлиги ҳақидаги барча ҳужжатлар ва пул берилганлиги ҳақидаги тилхатлар жиноят ишида мавжуд. Худди шундай 37-уй 18-хонадон учун алоҳида жиноят иши материалларидан олинган билдиришномани тақдим қилганмиз, ҳозир ҳам яна такрорий тақдим қиламиз.
Бундан ташқари мана шундай олди-сотти шартномаси тузилмаганлиги ҳақида яна қўшимча равишда ЖИБ Самарқанд вилоят суди апелляция инстанциясига 2019 йил 8 май кунги вилоят “Ермулкадастри” ДК – Жиззах шаҳар филиалининг 01/02-4147-сонли ва 2019 йил 27 май кунги 01 /02-4806- сонли, Жиззах вилоят Давлат архивининг 2019 йил 24 май кунги 297-сонли ҳамда Жиззах вилоят Адлия бошқармаси ҳузуридаги нотариал архивидаги 2019 йил 24 май кунги 92-сонли жавоб хатларини тақдим қилдик. Бундай олди-сотти шартномани ўзи йўқлиги учун ҳам судларга шундай жавоб хатлари берилди.
Агардаким шундай шартнома бўлсин ҳам, унда И.Ўринбосаровани 18.000.000 сўмни тўлаб, 37-уй 18-хонадонни сотиб олган пули қани? Нима учун шикоятда бу томон ёзилмаган, аниқланмаган? Д.Муродовадан 37-уй 18- хонадонни И.Ўринбосарова 2008 йил июн ойида сотиб олган, М.Муродов билан Х.Маматкаримова ўртасидаги низо эса 2005 йил апрелда бошланган. Бу ҳолатда нима учун М.Муродов 3,5 йил ўтиб Х.Маматкаримовага уй расмийлатириб бериши керак. Қани бунга асос, қани исбот?
Хаттоки мана шу И.Ўринбосаровага Д.Муродова томонидан берилган 2008 йил 19 июн кунги ишончнома – 2008 йил 21 июн куни бекор қилинган. Берилган ишончнома бекор бўлганку? Бу ҳолатда уй кимнинг ихтиёрида қолиб кетган. Чунки ишончнома берилиб, ишончномани бекор қилинганлигидан ҳабарсиз эдик. Вақт ўтиб Д.Муродова ишончнома бекор қилинганлигини важ қилиб 18.000.000 сўмни ундириб олган эди. Оддий фуқаро ҳам тушуниб етади. 2005 йил апрел ойида 40-уй сотилган бўлса, 2007 йилга келиб ушбу 40-уй учун низолар бошланди, ФИБ судлари бўлиб ўтиб, 40-уй М.Муродов ихтиёрига ўтиб бўлиб, яна биз М.Муродовдан 27.300.000 сўм қарз бўлиб, бу хусусида ФИБ судларининг 2008 йил 17 март ва 2008 йил 26 март кунлардаги ҳал қилув қарорлари чиққан бўлса, қандай қилиб бу ҳолатда уч ярим йилдан кейин М.Муродов Х.Маматкаримовага нима учун уй олиб беради. Юқоридаги ёзиб ўтилган архивлар ва кадастр идораси томонидан берилган хатлар М.Муродов ва Х.Маматкаримова ўртасида ҳеч қандай олди-сотти шартнома тузилмаганлигининг исботи бўлиб турибдику.
Мен бир неча маротаба ёзма равишда ҳам, оғзаки равишда ҳам Д.Муродовани судга чақиришни талаб қилдим. Нима учун апелляция ҳайъати Д.Муродовани суд ишига чақиртирмади? Сабаби нима? Бу ёзма талабим ҳам жиноят ишида мавжуд.
Бу ҳолатни ҳам судларда такрор-такрор исбот қилиб берганмиз. Шикоятни ёзган М.Искандаровни ўзи ҳам бу ҳолатни судларда такрор-такрор эшитган.
Шунинг учун ҳам шикоятни бу қисмини ҳам асоссиз ёзилган деб ҳисоблаймиз.
Бундан ташқари Олий суд раиси биринчи ўринбосари Р.А.Махмудова номига 16.07.2020 йил ёзиб, топширган эътирозномамизни жиноят иши бўйича чиқарилган ҳукм ва ажримлар асосида М.Муродовни айби тўлиқ исботланганлиги ҳолатларини ана шу чиқарилган ҳукм ва ажримлардан олиб, алоҳида эътирознома қилиб топширганмиз. Бу ҳукм ва ажримларга нисбатан М.Муродовни айби тўлиқ исботланган.
Юқоридаги ёзганларим бўйича судлов ҳайъатидан ушбу ёзганларимни, тақдим қилган ҳужжатларимни қонуний баҳолаб, қонуний қарор қабул қилишларини ва ёзилган шикоятларни рад қилиб, ЖИБ Пахтакор туман судининг 2016 йил 14 ноябр кунги ҳукмини ўз кучида қолдиришингизни сўраймиз.

Жабрланувчилар: А. Хакимов

Х.Маматкаримова
И.Холиқова