Асадуллаев М. М., Асланова С. М. Асаб касалликлари пропедевтикаси

1-БОБ.
Бош ва орқа миянинг қон-томир касалликлари
1.1. Бош миянинг қон-томир касалликлари
Бош миянингқон-томир касалликлари таснифи
РТФА Неврология ИТИда 1985 йилда ишлаб чиқилган бош миянинг қон-томир касалликлари таснифи қабул қилинган (Е.В.Шмидт).
1.1.1. Мияда қон айланишининг сурункали бузилиши
(ёки мияда қон айланиши етишмовчилигининг секин авж олиб бориши)
1.1.1.1..мияда қон айланиши етишмовчилигининг бошлангич даври
1.1.1.2.Дисциркулятор энцефалопатия (1-2 -3-босқичлар)
1.1.2.Мияда қон айланишининг ўткир бузилиши
1.1.2.1.Мияда қон айланишининг ўткинчи бузилиши
1.1.2.1.1.Транзитор ишемик атака (ҳуруж).
1.1.2.1.2.Гипертоник церебрал кризлар
1.1.2.2. Инсультлар
1.1.2.2.1. Ишемик
1.1.2.2.2. Геморрагик (паренхиматоз; субарахноидал; паренхиматоз– субарахноидал).
1.1.2.3.Ўткир гипертоник энцефалопатия


1.1.1.Мияда қон айланишининг сурункали бузилиши (МҚАCБ)
МҚАCБ нинг умумий симптоматикаси қуйидаги хусусиятлари билан тавсифланади:

1. 
   касаллик, одатда секин, зимдан, бемор сезмасдан бошланади;
   

1. 
   вақт ўтиши билан объектив ва субъектив симптоматика турлича суръатда зўраяди. Бу ирсиятга, ҳаёт тарзига, касбга, экологияга, ижтимоий шароитларга, хавфли омилларга боғлиқ бўлади ва ҳоказо.
   

1. 
   бошқа аъзоларнинг (юрак, буйраклар, кўз тўр пардасининг томирлари ва ҳоказо) системли зарарланади;
   

1. 
   одатда катта ёшдаги одамлар касалланади.
   

1.1.1.1.Мияда қон айланиши етишмовчилигининг бошлангич даври (МҚАЕБД)
Касалликнинг бу тури диспансеризация пайтида аниқлананади. МҚАЕБДнинг тахминий ташхисини бошнинг оғриши, бошнинг айланиши, қулоқларнинг шанғиллаши, хотиранинг пасайиши, уйқунинг бузилиши, меҳнат қобилиятининг пасайишига қараб қўйилади. Ташхис қўйиш учун юқорида айтиб ўтилган шикоятлардан ҳеч бўлмаса иккитаси ёки кўпроғи, хусусан мияда қон таъминотининг кучайишини талаб қиладиган (узоқ давом этаётган ёки тез-тез такрорланадиган) шароитда (масалан, зўр бериб ақлий иш билан шуғулланиш, асаб бузилиши, дим хонада) бўлиши керак.
Неврологик кўрикда бош миянинг ўчоқли зарарланиши белгилари топилмайди, чунки бунда мия гипоксияси ҳали компенсация қилинади ва мия ҳужайраларида структур ўзгаришлар рўй бермайди.
МҚАЕБД ташхисини тасдиқлаш учун томирлар патологиясини аниқлашга имкон берадиган текшириш усулларидан фойдаланиш керак.