Asab tizimini tekshirish usullari

Bukuvchi patologik reflekslar.

Rossolimo refleksi:

a) Pastki: bemor oyoq panjasining II - va V - barmoq falangalari yumshogiga qisqa-qisqa urilganda bemor falangalarini kaft tomonga bukadi.

b) Yuqori: bemor qo’lining II- va V- barmoqlar falangalari yumshogiga urilganda bosh barmoqni tezda kaft tomonga bukadi.

Bexterev - Mendel refleksi: Nevrologik bolgacha bilan oyoq kaftining yon yuzalar bo'ylab III-IV barmoq asosiga urilganda, bemor II- va V-barmoqlari tomoniga bukadi.

Jukovskiy refleksi: oyoq kaftining o'rtasiga urilganda, oyoq panjasi barmoqlari kaft tomonga bukiladi.

Patologik reflekslar, piramida tutamining shikastlanishini, markaziy falajlik yoki parezini aniqlashda ahamiyatga ega.

Ekstra piramida sistemasiga miya ustuni va katta yarim sharlarda joylashgan ko'p sonli qujayrali tuzilmalar va ularning afferent qismi va efferent birikmalari kiradi. E.S. ning asosiy qismi bo'lib katta yarim sharlarning chuqur qavatida joylashgan, po’stloq osti tugunlari va bazal gangliyalar qisoblanadi. Po’stloq osti tugunlari tez bajariladigan harakatlarga tayyorgarlikni ta'minlaydi: U pallidar va striar sistemaga bo'linadi. Pallidar sistemaga: pallidum, qora substantsiya va qizil yadro kiradi. Striar sistemaga: tishli yadro, putamen. Striar sistema zararlanganda giperkinetik-gipotonik sindrom kelib chiqadi, pallidar sistema zararlanganda esa akinetik-rigidli sindrom kelib chiqadi.