Arxivlar haqidagi umumiy tushuncha

Hujjatlardan foydalanishning hisobi

Arxivlarda foydalanilgan hujjatlarni hisobga olish yo’lga qo’yilgan. Har bir yig’majildda
«Foydalanish varaqasi» mavjud bo’lib, unda mazkur yig’majilddagi hujjatlardan kim, qachon

va nima maqsadda foydalanganligi qayd etiladi.
Arxiv o’quv zallarida tadqiqotchilar haqida, ularnin bu yerga tashrifi va ularga berilgan yig’majildlarning miqdori to’g’risidagi ma’lumotlar yozib boriladi. Arxivlarda tadqiqotchilarning shaxsiy yig’majildlari saqlanadi, ularning mavzulari qayd etiladi va tashriflar kitobi yuritiladi. Bundan tashqari arxivga kelgan talabnomalar, ularga muvofqi berilgan ma’lumotnomalar hisobi ham olib boriladi.

Tayanch iboralar

Hujjatlardan

foydalanish – arxivlarda saqlanayotgan hujjatlardan ilmiy, ijtimoiy, iqtisodiy va shaxsiy maqsadlarda istifoda olish

Hujjatlardan foydalanish

maqsadlari – arxiv hujjatlaridan foydalanishni taqozo etuvchi konkret ehtiyojlar (ilmiy, xo’jalik, ijtimoiy, shaxsiy, ma’naviy-ma’rifiy va hokazo.)

Hujjatlardan foydalanish

shakllari – arxiv hujjatlari mazmunini mutaxassislar va keng jamoatchilikka yetkazish usullari

Nazorat savollari

1. 
   Arxivlarning faoliyat ko’rsatishidan asosiy maqsad nima?
   
2. 
   Hozirgi kunda arxiv hujjatlaridan qanday maqsadlarda foydalanilmoqda?
   
3. 
   «Arxivlarning tarix fanini rivojlanishidagi o’rni»mavzusida fikr yuriting.
   
4. 
   Arxiv hujjatlaridan foydalanishning qanday shakllarini bilasiz?
   

5. 
   Arxiv hujjatlaridan ma’naviy-ma’rifiy ishlarda foydalanish mumkinmi? O’z fikringizni asoslab bering.
   
6. 
   Arxiv hujjatlarini omma orasida targ’ib qilishda ommaviy axborot vositalari qanday rolp o’ynaydi?
   
7. 
   Siz nashr qilingan arxiv hujjatlari bilan tanishmisiz? Tanish bo’lsangiz, o’sha hujjatlarning mazmuni hususida gapirib bering.
   
8. 
   Tadqiqotchilar arxiv hujjatlaridan qanday qilib foydalanishlari mumkin?
   
9. 
   Arxivlarda fuqarolarning shaxsiy manfaatlarini qondirish borasida qanday ishlar amalga oshirilmoqda?
   
10. 
    Arxiv hujjatlaridan foydalanishda qanday cheklanishlar bor? 11.Arxivlarda hujjatlardan foydalanish hisobi qay tarzda olib boriladi?