Arxitektura

Transport infrastrukturasi.

Shahar transportining bemalol ishlashi uchun yordamchi inshootlar va qurilmalari turli xizmatlarining rivojlangan tarmog'i kerak. Ommaviy yo'lovchi transport uchun yo'l kontakt tarmog'idan tashqari bularga: depo, avtopark, remzavod va ta'mirlash ustaxonalari kiradi. Ommaviy transport yo'llarida dispetcherlik punktlari, yakunlovchi punktlar, tayanch podstansiyalarquriladi. Bularning barchasi sanoat vakommunal qismlarda joylashtiriladi.

Individual transport uchun benzokolonkalar, texnik xizmat ko'rsatish stansiyalari, diagnostik punktlari, DAN postlari zarur bo'ladi.

Magistrallararo hududda transport.

Transport xizmat ko'rsatishning talablari hududning funksional vazifasi orqali aniqlanadi.

Sanoat va kommunal qismlarga xizmat ko'rsatish hudud talablari asosida amalga oshiriladi. Kichik tumanlarda xohlagan binoga kirishni, magistral ko'chalarga chiqishni (chorrahadan 100 m) ta'minlash, doimiy saqlash uchun garajlar, avtomobillarni vaqtinchalik saqlashga to'xtash joylari ajratiladi. .

Xavtsizlikni ta'minlashga quyidagilar orqali erishiladi:

• 
  har tomondan ochiq o'tish joylarini chegaralash;
  
• 
  piyoda va transport yo'llarini ajratish.
  

Transport sxemasi oddiy va tushunarli bo'lishi lozim. Qurilish me'yorlari qoidalari (QMQ)da transport loyihalashning qoidasi berilgan, xususan kirish joylarining eni 3,5-5,5, agar 3,5 m bo'lib, 300 m dan oshiq uzunlikda har 100 m da bo'lsa, 6x15 m maydonchalar tashkil etiladi. 150 km uzunlikdagi berk ko'chalar radiusi-10 m burilish bilan tugatiladi. Ularning eni 5,5 m. Binolar devorigacha masofa 5 m ortiqroq. 9 qavatli binolar eni 3,5 m li yo'l bilan o'raladi, devorgacha oralig'i 8 m dan ortiq. Seysmik zonalarda 8-12 m bo'ladi. Burilish radiusi esa 5 m bo'ladi. Kichik tumanlarning barcha nuqtalaridan ommaviy yo'lovchi transporti bekatlargacha bo'lgan masofa 400 m. Bekatlar asosan chorrahalarda joylashadi, oralig'i 300-500 m. ommaviy yo'lovchi transporti bekatlarida, ayniqsa, metro bekatlari yaqinida qurilishni zichlashtirish lozim.

Yo'lovchi transporti. Yo'lovchilarni tashish ommaviy yo'lovchi, individual va korxona transportidan ommaviy yo'lovchi transportida86 % yo'lovchi tashishni bajaradi. Yo'lovchi oqimi transport larmog'i qirqimida, vaqt oralig'ida tashiladigan yo'lovchilar sonidir. Bekatlardagi yo'lovchi aylanishi chiqayotgan va tushayotgan yo'lovchilar sonidir.