Ариза шу хақдаким, мен Хасанов Мансур Саидкаримович шу йил март ойининг 31 куни бўлиб ўтган Ўзбекистон Республикаси Олий судининг маъмумрий ишлар бўйича судлов хайъати қароридан норозиман

Ўзбекистон Республикаси
Олий суд раисига

Юнусобод тумани Хитой кўчаси

12 уйда яшовчи фуқаро
Хасанов Мансур Саидкаримовичдан
Тел: [phone]

АРИЗА
Шу хақдаким, мен Хасанов Мансур Саидкаримович шу йил март ойининг 31 куни бўлиб ўтган Ўзбекистон Республикаси Олий судининг маъмумрий ишлар бўйича судлов хайъати қароридан норозиман.
Сиз номингизга 13 апрелда ёзган аризамда қарорнинг “ушбу уйга нисбатан унинг ва оила аъзоларини мулкий хуқуқлари мавжуд эмас” деган сўзларига ойдинлик беришларини сўрагандим, лекин 4 май куни бўлиб ўтган суд мажлисида берган Қачон? қайси қонун? ва қайси модда?га асосан отамдан қолган меросга бўлган хуқуқларимдан махрум бўлдим? деган аниқ ва лўнда саволимга, аниқ ва лўнда жавоб оломадим.
Гап яна менинг холатимга умуман тўғри келмайдиган 97 чи қарор устида кетди. Мен отам ўлимидан кейин меросхўр мулкдорга айланганман. Хеч қайси Вазирлар махкамасининг қарори билан меросдан махрум қилиш мумкин эмас. Меросдан махрум қилиш фақат мерос қолдирувчи ёки суднинг ваколатидадир.
Расмийлаштирилмаган меросхўр фақат мерос мулкини юридик операциялар яъни сотиш, ижарага бериш, гаровга қўйиш, совга қилиш ва хоказо... ларга хаққи бўлмайди. Меросни расмийлаштириш муддатлари чегаранмаган.
Расмийлашмаган меросхўр хам мулк эгаси хисобланади.
Демак хокимият уй-жойимни компенсация қилиши керак деб хисоблайман.
Шайхонтохур хокимияти томонидан Конституциямизнинг 53-моддаси, Фуқаролик кодексининг 164-моддаси қўпол равишда бузилган.
Шуларни ва юқоридагиларни инобатга олиб, Сиздан шу маъмурий ишни бошқа суд хайъати билан қайта қўриб чиқишингизни, одил ва хаққоний қарор қабул қилишингизни сўрайман.
Хасанов М. С.