«Архитектуравий лойиҳалаш» кафедраси доценти Абдужаббарова М. Т

Мехмонхоналарнинг таснифи
Барча меҳмонхоналар таклиф этиладиган хизматига қараб, комфортлиги, унинг сиғими ва техник жиҳозланганлиги, бизда ҳамда халқаро меҳмонхоналар 5 та қурилиш разрядига бўлинади. Буни аниқлашдаги мезон, меҳмонхонанинг хонаси бўлиб, унинг сифати барча қулайлик жиҳатлари даражасига қараб белгиланади. Мехмонхона хоналари бир хонали ҳамда (аппартаментлар, люкс) турларига бўлинади. Хоналардан биттадан тўрттагача ўрин бўлиши мумкин, беш ва ундан кўп ўринга эга бўлган хоналар умумий яшаш бинолари разрядига яъни ётоқхона турига киради.
Кўпчилик ҳолларда кичик ҳажмдаги меҳмонхона биноларида биринчидан – тўртинчи разрядигача эга бўлган хоналар мавжуд бўлади.
Биринчи разрядли меҳмонхонанинг яшаш қисми олий, биринчи, иккинчи, учинчи разрядли хоналардан иборат бўлиб, уларнинг камида 80% и бир ва икки бўлиши керак. Меҳмонхонада биринчи тоифаси ресторан, кафе, бар ва тўлиқ хизмат кўрсатувчи хоналар мажмуаси фаолият кўрсатади. Шунингдек, киномосламали конференц – зал ҳамда шахсий автомобиллар учун гаражларнинг ёки устки қисми ёпиқ жойларнинг бўлишлиги мақсадга мувофиқ.
Иккинчи разрядли меҳмонхоналарнинг яшаш қисми худди аввалгидек хоналардан иборат бўлгани ҳолда фақат 60% и бир ва икки ўринли бўлиши керак. Меҳмонхонада фақат иккинчи тоифали ресторан, кафе ёки буфетлар фаолият кўрсатади. Шунингдек, умумий ванналар ёки душлар ва санитария узеллари зарурий хизмат кўрсатиш хоналари эса ҳар бир қаватда бўлиши керак.
Учинчи разрядли мехмонхоналарнинг яшаш қисми иккинчи ва тўртинчи разрядли хоналардан ва умумий яшаш хоналаридан иборат бўлади.
Меҳмонхоналарда кафе ёки ўз ўзига ҳизмат қиладиган ошхона, буфет, умумий ваннахона ёки душлар бўлиши зарур.
Тўртинчи разрядли меҳмонхоналарнинг яшаш қисми учинчи ва тўртинчи разрядли ҳамда умумий яшаш хоналаридан иборат бўлади. Бир ва икки ўринли хоналарнинг сони чегараланмайди.
Меҳмонхоналар белгиланган вазифасига кўра ва фойдаланиш характерига қараб қуйидаги типларга бўлинади: умумий типдаги, оромгоҳ, сайёхлик, спортчилар учун, вақтинча тўхтаб ўтадиган йўловчилар учун, автотуристлар учун мотеллар ва бошқалар. Буларнинг барчаси ўзига хос хусусиятларга эга бўлиб, лойиҳалашда уларни эътиборга олиш зарур.