Архегонийли ва гулли ўсимликлар бўйича амалий машғулотлар

Ishni bajarish tartibi va topshiriqlar

1. 
   Gerbariydan foydalanib, qarag‘ay va qoraqarag‘ay novdalarida hosil bo‘lgan ninasimon barglarni joylani-shiga, tuzilishiga, soniga e`tibor bering va ularning rasmlarni chizib oling.
   
2. 
   Oddiy qarag‘ayning bahorgi va uzun novdalarida paydo bo‘lgan otalik va onalik qubbalarini joylashishiga va ularning rangiga e`tibor bering. Otalik qubbalaridan birini ajratib oling, undan uzunasiga kesma tayyorlang, qubba o‘qida tangachalarning qanday joy olganligi, tuzilishi va mikrosporangiylarni lupa yordamida o‘rganib rasmlarni chizib oling.
   
3. 
   Oddiy qarag‘ay yoki boshqa turlarning mikrospora-laridan preparat tayyorlang va uni mikroskop ostida kuzating, umumiy tuzilishini chizib oling.
   
4. 
   Oddiy qarag‘ayning bir yillik novdalarida hosil bo‘l-gan onalik qubbalaridan birini ajratib oling, undan uzunasiga kesma tayyorlang, qubba o‘qida joylashgan tangachalarning xilini aniqlang va tangachada urug‘ kurtakning hosil bo‘lishini lupa yordamida o‘rganib, ularning umumiy holdagi rasmini chizib oling.
   
5. 
   Preparat yoki jadvaldan foydalanib, urug‘kurtakning ichki tuzilishini o‘rganing va rasmini albomingizga tushiring.
   
6. 
   Kollektsiyalardan foydalangan holda, pishib yetilgan qarag‘ay qubbasining shakliga, rangiga, tangachalarda hosil bo‘lgan urug‘larning tuzilishiga e`tibor bering va rasmini chizib oling.
   
7. 
   Gerbariydan Turkiston va Zarafshon archalarini bir-biri bilan solishtiring va farqli belgilarini albomingizga yozib oling.
   

Nazorat savollari

1. 
   Oddiy qarag`ay o‘simligining otalik va onalik qubbalari qaysi faslda hosil bo‘ladi va ularning o‘ziga xos tuzilishi nimalardan iborat?
   
2. 
   Mikrospora (chang) necha qavatdan tashkil topgan va uning taraqqiyot davrida dastlab qaysi hujayra hosil bo‘ladi?
   
3. 
   Urug`kurtak nimaning shaklan o‘zgarishidan hosil bo‘ladi va u qanday tuzilishga ega?
   
4. 
   Otalanish jarayoni qanday amalga oshadi?
   
5. 
   Yangi yetilgan qubbalarda dastlab va keyin qanday rangdagi o‘zgarishlar sodir bo‘ladi?