Архегониал ўсимликлар йўсинлар, плаунлар, қирқбўғинлар, папоротниклар

6. Папоротниксимонлар - Pterophyta. Булар қадимий ўсимликлар бўлиб ҳисобланади. Қадимийлиги билан улар риниофит ва плаунсимонлардан кейин туради. Геологик келиб чиқиши таҳминан қирқ бўғимсимонлар билан бир даврга тўғри келади.
Попоротниклар 300 авлод ва 10000 турни ўз ичига олади. Булар чўл, дашт, ботқоқлик, кўллар, шўр сувлар ва ўрмонларда ҳаёт кечиради. Тропик иқлим шароитида ўсувчи вакилларинниг баландлиги 25 - 30 м га, танасининг диаметри 50 см га етади. Майда вакиллари бир неча мм ни ташкил қилади.
Папоротниклар барглари йирик патсимон бўлиб, улар ер усти поясида ва ер ости илдиз поясида спирал шаклида жойлашади.
Попоротниксимонлар спорадан кўпаяди. Споралар спорангийда, баргларда тўп-тўп бўлиб жойлашган сорусларда етишади - споралар пайдо бўлиш олдидан редукцион йўл билан бўлинади. Споралардан янги юраксимон ўсимта ривожланади. Бу ўсимталардан урғочи жинсий орган-архегонийли ва эркак жинсий орган-антеридий вужудга келади. Уруғланиш нам ёки кучли ёмғир, шудрингда рўй беради. Папоротниклар, сувда уруғланади. Папоротниксимонлар 2 синфга: дастлабки папоротниклар ва чин папоротникларга бўлинади.
Дастлабки папоротниклар синфи вакиллари фақат қазилма ҳолда топилган. Улар ҳозирги папоротниклардан калта бўйи, баргларининг майдалиги, поясининг яхши ўсмаганлиги билан фарқ қилади. Ҳозир дастлабки папоротникларнинг 60 га яқин турлари борлиги аниқланган.
Чин попоротниклар синфи. Бунга казилма ҳолат да ва ҳозирги вақтда учрайдиган папоротниклар киради. Полеботаника фани чин папоротниклар юқори перм даврида пайдо бўлган деб ҳисоблайди. Чин папоротниклар синфи 2 та тартибга бўлинади: чин ёки тенг спорали ҳамда сув папоротниклар ёки ҳар хил спорали папоротниклар.

АДАБИЁТЛАР

1. Бурыгин. В. А. Жонгуразов. Ф. Х. Ботаника “Ўқитувчи” Т.: 1977.
2. Курсанов. В. А. Камарницкий Н. А ва бош.- Ботаника “Ўқитувчи” 1977. I II том.
3. Ҳамдамов И, Шукруллаев П ва бошқалар- ботаника асослари “Меҳнат” Т.: 1990.
4. Сохабиддинов. С. “Ўсимликлар систематикаси” I II боб. “Ўқитувчи” Т.: 1976.
5. Ҳамидов “Ўсимликлар географияси” “Ўқитувчи” Т.: 1984.
6. Белолипов. И. В. Шералиев. А. Ахадова. М. А. “Ўрта Осиё ўсимликлари марфалогияси” ЦОП, ТИПО, Т.: 1991.
7. Ҳолдаров. Х. Хожиматов. К. Х.“Ўзбекистон ўсимликлари”, “Ўқитувчи” Т.: 1992.