«archipelag»

V. «E-EXPERT.UZ» АХБОРОТ ТИЗИМИДА ИШЛАШ ТАРТИБИ 5.1. Ишлар бажарилганидан кейин “Ижрочи” «E-expert.uz» АТ орқали “Буюртмачи”га экспертиза ишлари бўйича натижа яни “Йиғма эксперт ҳулосаси”ни тақдим этади. 5.2. “Буюртмачи” бажарилган ишлар бўйича натижаларни қабул қилмаган ҳолатда, “Ижрочи” ишлар натижасини тегишли равишда сақланишини, ишлар натижасини “Буюртмачи” қабул қилиши лозим бўлган кундан бошлаб, 1 ойдан ортиқ бўлмаган муддат давомида таъминлайди. 5.3 Ишлар бажарилишининг якунланиши электрон ишларни топшириш-қабул қилиш далолатномаси ва ҳисобварақ- фактура билан расмийлаштирилади. 5.4. Буюртмачи «E-expert.uz» АТнинг вақт штапми хизмати томонидан жамланган вақт штампларига ишонч билдиради. 5.5. «E-expert.uz» АТда Иштирокчилар ўртасида электрон ҳужжатлар ўтказилишида, жўнатиш хабарномаси автоматик амалга оширилади. 5.6. «E-expert.uz» АТда ҳужжатлар алмашинуви Ўзбекистон Республикаси Қурилиш вазирлиги ҳамда солиқ қонунчилигининг талабларига қаттий риоя қилган ҳолда амалга оширилади. 5.7. «E-expert.uz» АТ формага келтирилган ҳужжат файлини, электрон ҳужжатнинг белгиланган шаклига мос келишини автоматик текширади. 5.8. Электрон ҳужжатнинг жўнатилиш вақти «E-expert.uz» АТнинг тасдиғига Бутунжаҳон мувофиқлаштирган вақтини Тошкент ш. учун стандарти бўйича қайд қилинади: UTC+05:00. 5.9. «E-expert.uz» АТнинг вақт штамплари хизмати томонидан яратилган вақт штампларда, вақт бутунжаҳон мувофиқлаштирган вақтини Тошкент ш. учун стандарти бўйича белгиланади: UTC+05:00. VII. МАЪЛУМОТЛАРНИ САҚЛАШ ТАРИТБИ ВА БУЮРТМАЧИНИНГ МАЪЛУМОТЛАРИГА КИРИШГА РУХСАТ БЕРИШ 7.1. Электрон ҳужжатлар шакллантирилгандан ва имзолангандан кейин, «E-expert.uz» АТ уларни электрон қурилиш лойиҳаларининг экспертизаси Иштирокчилари томонидан ўзгартириш ҳуқуқисиз, архивда сақлаш режимига ўтказади. 7.2. «E-expert.uz» АТда архивга олинган электрон ҳужжатларга кириш интернет тизими орқали таъминланади, низо юзага келган ҳолларда Ижрочи ёки Буюртмачи юридик кучга эга ҳужжат сифатида ҳавола қилиши мумкин. 7.3. Барча Тарафлар томонидан имзоланган электрон ҳужжатнинг ҳар бир Иштирокчиларига, ушбу электрон ҳужжат, электрон қурилиш лойиҳаларининг экспертизаси Иштирокчиларининг хатти-ҳаракати баёни, шунингдек назорат қилувчи ва фиксал органларнинг текшируви учун ЭРИ сертификат калитларидан таркиб топган «E-expert.uz» АТдаги электрон архивга ягона ҳавола жўнатилади. 7.4. Буюртмачи Сервис архивидан барча Тарафлар томонидан имзоланган электрон ҳужжатни бир тарафлама тартибда ўчириши мумкин, лекин Ижрочи ўзининг базаси орқали ушбу ҳужжатга кира олади. 7.5. Электрон қурилиш лойиҳаларининг экспертизаси Иштирокчиларининг хатти-ҳаракати баёни, ўз ичига: юридик шахснинг ташкилий-ҳуқуқий шакли кўрсатилган тўлиқ номи ёки якка тартибдаги тадбиркорнинг фамилияси, исми ва шарифи, шунингдек патент маълумотлари ёки жисмоний шахснинг фамилияси, исми ва шарифи; юридик шахс ёки якка тартибдаги тадбиркорнинг манзили ва давлат рўйхатидан ўтганлиги ҳақида маълумот жисмоний шахснинг манзили, солиқ тўловчининг идентификацион рақами, электрон почта манзили ва телефони; банк реквизитлари; «E-expert.uz» АТда электрон қурилиш лойиҳаларининг экспертизасини шакллантириш ва амалга ошириш учун зарур бўладиган бошқа маълумотлар; ЭРИ сертификати калитининг рўйхат рақами, Рўйхатдан олувчи марказнинг (РОМ) реестридаги сертификатини амал қилишининг бошланиш ва тугаш вақти; ушбу очиқ калит фойдаланиладиган электрон рақамли имзо воситаларининг номи; ЭРИ сертификатини берувчи гувоҳнома берган ЭРИни рўйхатдан ўтказиш Марказининг номи ва жойлашган жойи; электрон ҳужжат алмашинуви ташаббускори; ҳужжат тури; ҳужжат хеш-коди. VIII. РЕГЛАМЕНТГА ЎЗГАРТИРИШ КИРИТИШ ТАРТИБИ 8.1. Ушбу Регламентнинг тексти www.E-expert.uz/oferta / манзили бўйича эълон қилинади. 8.2. Ижрочи ушбу Регламентга, Шартноманинг 10.2.-бандида кўрсатилганидек, бир тарафлама тартибда ўзгартириш ва қўшимча киритиш ҳуқуқига эга. 8.3. Регламентга киритилган ўзгартириш ва/ёки қўшимчалар билан танишишни кафолатлаш мақсадида, Буюртмачи календар хафтада камида бир марта ушбу Регламентнинг ўзгарган шартлари тўғрисида маълумотлар олиш учун Ижрочининг сайтига мурожат қилиш мажбуриятини олади.