Қарақалпақ МӘмлекетлик университети экономика кафедрасы “микроэкономика” ПӘнинен

ӨЗБЕКСТАН РЕСПУБЛИКАСЫ ЖОҚАРЫ ҲӘМ ОРТА АРНАЎЛЫ БИЛИМЛЕНДИРИЎ МИНИСТРЛИГИ


ҚАРАҚАЛПАҚ МӘМЛЕКЕТЛИК УНИВЕРСИТЕТИ
Экономика кафедрасы
“МИКРОЭКОНОМИКА” ПӘНИНЕН
ГЛОССАРИЙ

5340600«Финанслар»,

5340900«Бухгалтериялық есап ҳәм аудит»,


Дүзген: проф. Убайдуллаев Қ.


Алмастырыў нәтийжеси – ис ҳақының артыўы нәтийжесинде бос ўақыттың қысқарыўы.
Алтернатив қәрежетлер (opportunity cost) – таңлаўда ўаз кешилген ең яхши алтернатив варианттан алынатуғын нәтийже (қун, пайда, пайдалылық). Алтернатив қунды пайдаланылмаған имканият деп те қарасады: бир зат қунынан ўаз кешилген басқа бир неше зат қуны менен сәўлелениўи.
Амортизация (depreciation) – басқышпа-басқыш тийкарғы капитал қунының белгили бир бөлимин ислеп шығарылатуғын өним қунына өткериў жолы менен оны қаплаў.
Асимметрик мағлыўмат – бул сондай жағдай, бунда базарда болатуғын саўда-сатықта базар қатнасыўшыларынан бир бөлими керекли, керекли мағлыўматқа ийе қалған бөлими ийе емес.
Ауцион – товарды алды-саттысын шөлкемлестириў методларынан бири болып онда трансаксия қәрежетлери реал ўақыт режиминде өтеди.
Бертран тең салмақлылығы (Bertrand equilibrium) – базар дуополик болғанда фирмалар товар баҳасын түсириў ҳәм өним ислеп шығарыў көлемин асырыў арқалы бир бири менен бәсекелеседи. Товар баҳасы шекли қәрежетке тең болғанда тең салмақлылық жағдайы турақласады.
Парықсызлық сызығы (indifference curve) – шахс ушын бирдей пайда беретуғын бос ўақыт, жумыс ўақты ҳәм ис ҳақы (дәрамат) комбинасияларын сәўлелендириў жанапай сызық (бул жерде бос ўақыт ҳәм жумыс ўақты 0 дан 24 саатқа шекем қун қабылланады ҳәм ҳәр бир жумыс ўақты белгили дәраматты, ис ҳақының сәўлелендиреди).
Базар тең салмақлылығы – базарда усыныс муғдарын талап муғдарына тең болған жағдай; усыныс сызығы менен талап сызығы кесилискен точкаға тең салмақлылық точка деп аталады.