Ҳар бир киши билиши керак бўлган савол жавоблар

Савол: Ибодатнинг биринчи мақоми ва Ҳақни таниш йўллари қандай очилади?


Жавоб: Ибодатнинг биринчи мақоми “Аъузу” ва “Бисмиллаҳ”ни айтишдир.
Ҳақни таниш йўллари эса “Аъувзу” ва “Басмалаи шариф”нинг маъноларини англаш билан очилади. “Аъувзубиллаҳ” яъни “Аллоҳдан паноҳ сўрайман”,-дейиш билан инсон барча ёмонликларни ўзидан даф этади. Натижада яхшиликларга йўл очилади.
Таҳоратсиз намоз ўқиш, Қуръон ўқиш мумкин бўлмаганидек, “Аъузу” ва “Бисмиллаҳ”сиз ибодат қилиш жоиз эмас дейилади.
“Аъувзу”ни айтиш (Аллоҳдан паноҳ тилаш) биринчи даражали ишдир. Сўнгра“Бисмиллаҳ” билан барча амаллар бошланади.
(Муҳаммад Комил .Т:.2005“Аъузу”ва“Бисмиллаҳ”нинг сирлари.10-12.бет.)


Савол:Инсон ҳаёти давомида барча эзгу-амалларни қандай бажаради?
Жавоб: Барча амаллар жаннатдан қувилган шайтоннинг ёмонлигидан паноҳ сўраш билан бажарилади. Яъни: “Аъувзубиллаҳи минаш- шайтонир - рожийм”,-деб, шайтоннинг шарридан Аллоҳ таолодан паноҳ сўралади.


Савол: Аслида “Аъузу” қандай калима?
Жавоб:”Аъузу” бу қудсий(илоҳий) калима. Муҳаммад (с.а.в) бирон амални бажаришдан (бирон иш бошлашдан)олдин бу калима”Аъузубиллаҳи минаш-шайтонир-рожим”ни айтиб, Аллоҳ таолодан паноҳ сўранг деганлар. Йўқса шайтон инсон қалбига кириб уни чалғитади. Ягона чора тез-тез “Аъузу” қудсий калимасини айтишдир. Шйтон билан курашиш қурол яроғ билан эмас,”Аъузу”қудсий калимаси биландир деганлар.
(М. Комил. Т:.2005“Аъузу” ва “Бисмиллаҳ”нинг сирлари.15-бет)
Савол: “Аъувзубиллаҳи минаш- шайтонир- рожийм”қудсий калимасининг маънолари ва Аллоҳни таниш йўли?
Жавоб:
-”Аъузу”-мен паноҳ сўрайман;
-“Биллаҳи”-Аллоҳ таолодан;
-“Минаш шайтон”- шайтоннинг ёмонлигидан, васвасидан;
-“Ар-рожийм”Илоҳий раҳматидан қувилган”
Умумий маъноси:“Аллоҳ таолонинг раҳматидан қувилган шайтоннинг ёмонлиги, васвасидан Аллоҳнинг паноҳ беришини сўрайман”.
Инсон Аллоҳни таниш йўлида “Аъузу"калимасини тафаккур билан англаб етса, Аллоҳни таниш эшиги очилади ва руҳий камолотга етади. Яхшиликлар эшиги очилиб, қалб тозаланади. Бу калима қалбни тозалайди, поклайди, кибр ва риё йўқолади.
( Комил Муҳамад. Т:.2005“Аъузу” ва “Бисмиллаҳ”нинг сирлари.10-б)