Apple kompaniyasi

Natijada iPhone mutlaqo yangi qurilma sifatida namoyon bo‘lgan —protsessoridan tortib, operatsion tizimiga qadar. Kiritish usuli ham yangi bo‘lgan, shu sababli barcha ilovalarni ham noldan boshlab yasashgan.

Grinon shunday deydi: «Menga bu ishni uddalaganimiz hanuzgacha mo‘'jiza bo‘lib tuyuladi. Chunki bir necha bor paydo bo‘lgan muammoni qanday hal qilishni bilmay boshimizni changallab qolganmiz, chunki hech kimda kerakli tajriba bo‘lmagan, Apple’da esa ahmoqlar ishlamasdi».

Muammolar faqat texnik emasdi. iPhone 4 bardan topib olingan mashhur voqeadan oldin, Fadell Germaniyaga uchayotgan samolyot bortida ilk iPhone prototipini yo‘qotib qo‘yadi. U izlanayotgan qurilma aslida nima ekanligini aytmasdan, odamlardan yordam so‘raydi:

«Qora, to‘rtburchak narsa. Bir tomoni shishali, orqasi plastik. O‘yin qartasi kolodasidan sal kattaroq. Iltimos, uni topishda yordam beringlar, menga juda zarur».

Nihoyat, telefon o‘rindiq yostiqchalari orasidan topiladi.

So‘ngra sahnada taqdimot o‘tkaziladi, unda ham vaziyat istalgan daqiqada izdan chiqib ketishi mumkinligidan, jamoa zaxirada bir nechta tayyor telefonlarni qo‘llarida ushlab turishgan, biroq hammasi xamirdan qil sug‘urgandek o‘tadi va shu daqiqadan boshlab iPhone haqida butun dunyo bilib oladi.

Grinon shunday deydi: «Bu mening eng yomon professional tajribam bo‘lgan, bir vaqtning o‘zida u eng yaxshisi va ehtimol, men erishgan eng yuksak natija ham bo‘lsa kerak».

iPhone’ning yaratilish tarixi ma’lum bo‘ldi

• 
   ШУҲРАТ САТТОРОВ 
  
• 
   2439
  
• 
   28.06.2017 20:24
  

Ideal smartfon deganda negadir ko‘pchilik Apple korporatsiyasining iPhone flagmanini ko‘z oldiga keltiradi. Ayfon jahonning eng ko‘p sotiladigan smartfon modellari qatoriga kiradi. Shu bilan birga, bu smartfon uchun 2 hissa ko‘proq pul to‘lashga to‘g‘ri keladi.

iPhone smartfoni konsepsiyasi va dizaynini ishlab chiqishda bevosita ishtirok etgan Toni Fadellaning ma’lum qilishicha, Apple kompaniyasi Stiv Jobs boshchiligida boshqa ishlab chiqaruvchilarning 100 lab smartfon modellarining, pleyer, kamera kabi elektronika vositalarining faoliyatini, ichki tuzilish va dasturiy ta’minotlarini ikir-chikirigacha o‘rganib chiqqan. Top-menejer Wired nashri bilan suhbatda «Olma»ning ilk smartfoni qay tarzda dunyoga kelgani to‘g‘risida qiziqarli dalillarni aytib berdi.

«Xabaringiz bo‘lsa kerak, o‘sha paytlarda 2006 yilda taqdim qilingan LG Prada sensor telefoni ommalashgan edi. Va ko‘pchilik ekspertlar Apple’ni ayfon dizayni va ishlash konsepsiyasini aynan ana shu smartfondan o‘g‘irlaganlikda ayblangan edi. Hatto, o‘sha yili LG Mobile Handset R&D Center kompaniyasi vakillari Apple kompaniya g‘oyasini o‘g‘irlaganini rasman e’lon ham qilgan edi. Bunga qanday qaraysiz?»

Fadell jurnalistning bu savoliga nisbatan bu smartfon haqida eshitganini tasdiqlab, bu Apple diqqat bilan o‘rganib chiqqan yuzlab telefonlardan biri bo‘lganini aytdi. Uning ma’lumotiga ko‘ra, kompaniya yuzlab turli elektronika vositalarining faoliyatini ham o‘rganib chiqqan.

Intervyuda dizayner Motorola kompaniyasi bilan o‘sha kezlardagi hamkorlikni ham esga olgan. Xususan, 2005 yilda taqdim qilingan Motorola Rokr telefoniga tatbiq qilingan iTunes xizmatining o‘sha vaqt uchun chinakam innovatsiya bo‘lganini aytgan.

Ahamiyatli jihati shundaki, bu ikkala kompaniya hamkorligi bundan 20 yil avval boshlangan bo‘lgan. Apple o‘zining Lisa kompyuterlari uchun Motorola’dan protsessorlar xarid qilgan.