Аплв1тот1 Jill. V b tk kaffTAlv grant bulalari

319

— Bo‘lmasa u...
— Nima u?

— U kishi ahloqiga ijobiy ta’sir etadi!

— Axloqqa?

— Ha,— deb javob berdi geograf ishonch bi-lan.— U kishi ahloqiga ijobiy ta’sir etadi. Avstraliyada me-tall zanglamaydi, odamlar to‘g ‘risida ham shuni aytish mumkin. Qit’aning toza va quruq havosi har narsani ham tez tozalaydi: kiyim-kechakni ham, kishilar dilini ham. Bu yerlarning ob-havosidagi bu xususiyatni Angliyada tez fahmlaganlar, ana shuning uchun ham bu yerga tuzatib bo‘lmaydigan odamlarni yuborishga qaror qiîganlar.

— Nima, nima! Rostdan ham havoning shunday ta’siri bormi? — deb so'radi Elen Glenarvan.
— Ha, uning ta’siri odamda ham, hayvonda ham sezilgan.
— Hazillashayotganingiz yo'qmi, janob Paganel?

— Yo‘q, hazillashayotganim yo‘q. Hatto Avstraliyadagi otlar bilan qoramol ham juda yuvosh bo‘ladi. 0 ‘zingiz ko‘rib ishonishingiz mumkin.

— Yo‘g ‘-e!

— Lekin bu gap to‘g ‘ri. Bu hayotbaxsh, ajoyib at-mosferaga ko‘chirilgan jinoyatchilar bir necha yil ichida tamoman boshqa odam bo‘lib qoladilar. Bu filontroplarga ma’lum. Avstraliyada hamma ham yaxshiroq bo‘lib qoladi.

— Unda, o‘zingiz qanday bo'lib qolasiz, siz shun­ day ham yaxshi odamsiz-ku? — deb so'radi tabassum bilan Elen.

— Tag‘in ham yaxshi bo'laman, bebaho odam bo‘laman! — deb javob berdi geograf.

0 ‘ n i n c h i b o b
VIMMERA DARYoSI
Ertasiga, 24-dekabr kuni tongotar paytida yo‘lga tushdilar. Kunning issig'i ertalabdanoq sezilar, lekin hozircha chidasa bo'lardi. Yo‘l ko‘tarilmasdan, siyrak o'rmon orasidan to‘g ‘ri bordi, shuning uchun otlar toliqmay yo‘l bosdi. Allaqancha yo‘lni bosib o‘tgan otryad kechqurun Oq ko‘l bo‘yida to‘xtadi; ko‘lning suvi sho'rtang ekan, ichishga yaramadi.