Antropotoponimlar kelib chiqishi dunyo xaritasidagi

2.
ADELAIDA - Avstraliya Ittifoqining janubidagi shahar. Janubiy Avstraliya shtatining ma’muriy markazi. Aholisi 1,3 mln kishi (2017).markazi va portlaridan biri. Shahar 1836- yilda bunyod etilgan. Shahar nomi Angliya qiroli Uilyam (Vilgelm) IV (1765 - 1837)ning rafiqasi, nemis malikasi Adelaida (1792 - 1849)ning sharafiga uning ismi bilan atalgan. ADELI YERI - Sharqiy Antarktidaning chekka qismi, 136° va 142° sharqiy uzunliklar orasida joylashgan. Qirg‘oqlari Hind okeaniga tutashgan. Adeli Yeri fransuz dengiz sayyohi Jyul Dyumon-d'Yurvill tomonidan 1840- yilda kashf etilgan va sayyoh uni o‘zining rafiqasi ismi bilan shunday atagan. 1956- yildan boshlab Adeli Yeri qirg‘og‘i yonidagi Petrel orolida mashhur sayyoh nomi bilan atalgan Fransiyaning Dyumon-d'Yurvill ilmiy stansiyasi ishlamoqda. Hozirda pingvinlarning eng ko‘p tarqalgan turlaridan bin ham Adeli pingvini deyiladi.
ALEKSANDR - Shimoliy Amerika materigining g‘arbiy qirg‘og‘i yaqinida, AQSHning Alyaska shtatiga tegishli 1100 oroldan iborat arxipelag. Maydoni 36,8 ming km . Orollar asosan igna bargli o‘rmonlar bilan qoplangan. Arxipelag 1741- yilda Vitus Bering va Aleksey Ilich Chirikov (1703 - 1748) ekspeditsiyasi tomonidan kashf qilingan.1794- yilda arxipelagda bo‘lgan ingliz den- gizchisi Jorj Vankuver uni qirol Georg III sharafiga uning nomi bilan ataydi. 1867- yil- dan arxipelag Rossiya imperatori (1855 - 1881) Aleksandr II (1818 - 1881) sharafiga uning nomi bilan atalib kelinmoqda. Imperator Aleksandr II davrida Rossiya hududi ancha kengaygan. Jumladan, Turkiston o‘lkasi hududining ham katta qismi bosib olinib, Xiva xonligi va Buxoro amirligi Rossiyaning vassaliga aylangan.
ALEKSANDR I YERI – Antarktida chekkasidagi yarimorol. Maydoni 43250 km . 1821- yilda rus dengizchilari (M.Lazarev va F.F.Bellinsgauzen boshchiligidagi ekspedit- siya) kashf etib, uni o‘sha davrdagi (1801 - 1825) imperator Aleksandr I (1777 - 1825) sharafiga uning nomi bilan atashgan. Imperator Aleksandr I 1801- yilda otasi Pavel I saroydagi fitna sabab o‘ldirilgach taxtga o‘tiradi. Uning davrida Rossiyada juda ko‘p islohotlar amalga oshiriladi, mamlakat hududi kengaytirilib boriladi. Aleksandr I ichki siyosatda davlatni o‘ta qattiqqodlik bilan boshqaradi. AMERIKA - Shimoliy Amerika va Janubiy Amerika materiklaridan iborat qit’a. Umumiy maydoni 42,5 mln km . Shimoliy Amerika- ning shimoli-sharqiy sohili va Grenlandiya X - XI asrlarda normandlar tomonidan kashf etilgan. Antil orollari, Janubiy Amerika sohilining shimoliy qismi hamda Shimoliy Amerikadagi Karib dengizi sohilining janubiy qismini 1492 - 1503- yillarda Xristofor Kolumb (1451 - 1506) kashf etgan.