Anotatsiya kirish mavzuning asoslanganligi va dolzarbligi

Tadqiqot natijalarining nazariy va amaliy ahamiyati. Magistrlik dissertatsiya ishining natijalari O‘zbekistondagi geleoenergetik resurslarni vaqt va maydon bo‘yicha taqsimotini o‘rganish geleoenergetik qurilmalarni O‘zbekiston hududi bo‘ylab samarali joylashtirish imkonini beradi. Olingan natijalardan o‘quv jarayonida “Iqlimshunoslik”, “Agrometeorologiya” kabi fanlarni o‘qitishda foydalanish mumkin.
Tadqiqot ishining tuzilishi. Dissertatsiya ishi kirish, uchta bob, xulosa, foydalanilgan adabiyotlar ro‘yxatidan iborat bo‘lib, umumiy hajmi ... betni tashkil etadi. Tadqiqot ishi matni ... ta jadval hamda ... ta rasmlar bilan boyitilgan.
Ishning kirish qismida mavzuning dolzarbligi, tadqiqot ishining obekti va predmeti, maqsadi va vazifalari, tadqiqot natijasida qo‘lga kiritilgan ilmiy yangiligi, ishning asosiy masalalari va farazlari, qo‘llanilgan metodikaning tavsifi hamda tadqiqot natijalarining nazariy va amaliy ahamiyati bayon qilingan.
Birinchi bob “O‘zbekistonning tabiiy-geografik joylashuvi” deb nomlanib unda O‘zbekistonning tabiiy-geografik joylashuvi va iqlimiy harakteristikalari, O‘zbekistonning turli hududlarida joylashgan aktinometrik stansiyalar, ularning o‘ziga xos hususiyatlari haqida ma’lumotlar keltirib o‘tilgan. Shu bilan birgalikda tadqiqot ob’ektidagi aktinometrik stansiyalarning joylashuv o‘rni va ularda tashkil etilgan kuzatuv ishlari tarkibi va tartibi keltirilgan.
Ikkinchi bob “Quyosh radiatsiyasi, havo namligi va ularning harakteristikalari” deb nomlanib, ushbu bobda asosiy bajariladigan aktinometrik kuzatuv ishlari, quyosh radiatsiyasi xarakteristikalari, quyosh radiatsiyasini, namlik xarakteristikalari, havo namligini o‘lchash ishlari tarkibi va tartibi bayon etilgan.
Uchinchi bob “O‘zbekistonda Quyosh radiatsiyasi va havo namligining o‘zgarishi” bag‘ishlangan bo‘lib bunda kuzatish ma’lumotlari asosida quyosh radiatsiyasining alohida turlari bo‘yicha ya’ni perpendikulyar yuzaga tushgan to‘g‘ri quyosh radiatsiyasi, sochilgan, yalpi radiatsiya, suv bug‘i elastikligining yillararo, bazaviy (1961-1990 yy.) hamda joriy iqlimiy (1991-2015 yy.) davrlardagi o‘zgarishlarini tadqiq etish natijalari keltirilgan.
Tadqiqot ishining yakunida ishni bajarish davomida olingan natijalar yuzasidan umumiy xulosalar berilgan.