Anorgul atajonova

qachongacha?  qachondan  beri?  qachondan?  kabi  so‘roqlarga  javob 
bo‘ladi: oldin, keyin, so‘ng, ilgari, avval, kecha, kechgacha, kechga qadar, 
hozir,  doimo,  onda-sonda,  tez-tez,  qadimdan…M:  Bular yaqinda ko‘chib 
kelishdi. 
3.  O‘rin  ravishi  ish-harakatning  bajarilish  o‘rnini  bildiradi. 
Qayerda?  qayerdan?  qayerga?  so‘roqlariga  javob  bo‘ladi:  uzoqdan, 
yaqinda,  oldinda,  orqada,  o‘ngda,  chapda,  quyidan,  yuqoriga,  narida, 
berida, pastda, o‘rtada, olg‘a… M: Shamol oldindan esardi. 
4. Sabab ravishi ish-harakatning bajarilish sababini bildiradi. Nega? 
nima  uchun?  nima  sababdan?  kabi  so‘roqlarga  javob  bo‘ladi:  noiloj, 
noilojlikdan,  bekordan-bekorga,  chorasizlikdan.  M:  Noiloj o‘yinni 
tugatishga majbur bo‘ldik. 
5.  Maqsad  ravishi  ish-harakatning  bajarilish  maqsadini  bildiradi. 
Nima maqsadda? nega? so‘roqlariga javob bo‘ladi: atay, atayin, ataylab, 
jo‘rttaga,  qasddan.  M:  Sizni  ko‘rish  uchun  ataylab  kelgan  edim.’  6. 
Daraja-miqdor  ravishi  ish-harakatning  darajasini,  miqdorini,  belgining 
darajasini,  narsa-buyumning  noaniq  miqdorini  bildiradi.  Qancha?  qay 
darajada?  so‘roqlariga  javob  bo‘ladi:  arang,  batamom,  baholiqudrat, 
deyarli, jinday, rosa, ko‘p, ozmuncha, xiyol, tirnoqcha, xiyla, o‘lguday, sal-
pal, sal, zarracha… M: Biroz o‘ylanib turdi-da, ishga kirishdi. 
Ravishlar  otlashadi.  Bunda  ular  ko‘plik,  egalik,  kelishik 
qo‘shimchalarini oladi, gapda ega, to‘ldiruvchi, kesim bo‘lib keladi: