Anor seleksiyasi va navshunostligi

Van-Tigem usulida chang donachatarini nam kamerada o’stirish: Mikroskopda qarash uchun moslangan qoplama oyna ustiga shisha tayoqcha yordamida saxaroza bilan agar-agar eritmasidan bir tomchi quyiladi. Eritma harorati, havo haroratidan 2— 5° S yuqori bo‘ladi. Uning ustiga skalpel bilan chang donachalari sepilib, oynacha ag‘darilib chang donachalarini o‘stirish kamerasiga qo‘yiladi. Namlikni saqlash uchun kamera ustiga distillangan suv tomiziladi. Kamera harorati 22—26°S bo‘lgan termostatga qo‘yilib har bir soatda chang donachasining o‘sganligi kuzatib turiladi. 0 ‘sgan va o’smagan chang donachalari sanaladi. Bunda chang o‘simtasi uning diametriga teng bo‘lishi kerak. Chang donachalari uchun ozuqa muhiti sifatida 0,5—1% agar-agarning distillangan suvdagi eritmasiga 5—40% saxaroza (uning konsentratsiyasi ko‘p meva va rezavor meva ekinlari uchun 10—15%) solinadi. Agar saxaroza bo'lmasa toza quritilgan shakardan ham foydalanish mumkin. Eritmani ma’lum darajada qizdirish kerak (bunda ko‘p qizdirib yubormaslik kerak). Eritma har kuni yoki bir kundan keyin tayyorlanib turishi kerak (yangiligicha qo‘llaniladi).
Chang donachasining o‘sishini tezlatish maqsadida eritma ichiga yangi uzilgan changlanayotgan o‘simlikning urug‘chisini ham qo'shish mumkin.
Chang donachasini o‘stirish davomida harorat 12—26 °S bo‘lishi kerak. 0 ‘sgan chang donalari sonidan tashqari chang naychasining uzunligi foizlarda va ballarda aniqlanadi.
D.A.Tarankovskiy usulida chang donachalarini nam kameralarda o‘stirish. Predmet oynachaga 3—4 tomchi eritma quyilib chang sepiladi. Ularning namligini saqlash uchun bakteriologik chashkalarga filtr qog‘ozlar solinib, ular namlanadi va unga oynachalar solinadi. Hisob-kitob ishlari oldingi usuldek.
Atsetokarmin eritmasida chang donachalarining ranglanishi: predmet oynachaga 3—5 tomchi atsetokarmin eritmasi quyilib, chang sepiladi, tomchilar qoplama oynacha bilan sekin yopiladi va 30 daqiqadan bir soatgacha qo‘yiladi. Keyin chang donachasi sifati aniqlanadi. Agar oynacha 2—3 marta yoqilgan spirtovka ustidan
olib o'tilsa, bu vaqtni biroz kamaytirish mumkin. Normal chang donalari asetokarmin eritmasida qizil rangga bo‘yaladi.