Annotatsiyasi

Bolalar javobi: Biz bajardik.
Tarbiyachi: Yaxshi. Bolalar, keling, endi ko’zlarimizni yumib olamiz va sehrli tayoqchamiz yordamida g’ayrioddiy gulimiz bizni kutayotgan o’rmonchaga qaytamiz.
(Sokin musiqa yangraydi.)
BIR, IKKI, UCH! Sehrli tayoqcha, bizni o’rmonchaga olib bor!
Tarbiyachi: Bolajonlar, endi ko’zimizni ochamiz, mana bizning g’ayrioddiy gulimiz. Qaranglar, u qayta gullab, yashnadi, chiroy ochdi. Bu g’ayrioddiy gulimiz, hatto qishda ham gullaydi. Uning har bir yaproqlari, bu sizning qilgan yaxshiligingiz, mehribonchiligingizdir.

Bolalar, keling, bir-birimizga va mehmonlarga kulib qaraymiz va bu tabassumimiz bilan hammaga yaxshi kayfiyat ulashamiz. Endi ana shunday zo’r kayfiyatda mehmonlar bilan xayrlashamiz. Xayr!
Mashg’ulot ishlanma
“Ebru- ranglar raqsi” (maktabga tayyorlov guruhi)
Maqsad: “Ebru” rasmining yangi noan’anaviy usuli haqida bolalar g’oyalarini shakllantirish. Ishlab chiqarish faoliyati orqali kompozitsiya, ritm, rang, diqqat, xotira, qo’llarning harakatchanligi, sabr-toqat va chidamlilik, ijodkorlik, tasavvur va estetik didni rivojlantirish. Boshlangan ishni oxiriga yetkazish, jamoada ishlash qobiliyatini tarbiyalash.
Kerakli jihozlar: kraxmalli suv bilan bir martalik nam salfetkalar, 4 xil rangdagi guash bo’yoqlari, pipetkalar, mo’yqalam, tish tozalagich, suv, akvarel, qog’oz, audio yozuv.
Mashg’ulotning borishi:
Tarbiyachi: Bolalar, siz rasm chizishni yaxshi ko’rasizmi? Odatda nimalarga rasm chizasiz? Nimalar bilan rasm chizishni yaxshi ko’rasiz? Siz hech qachon suvga rasm chizishga harakat qilganmisiz? Suvga rasm chizish mumkinmi?
Bolalar javobi: Yo’q.
Tarbiyachi: Nima uchun?
Bolalar javobi: Bo’yoq suvda eriydi.
(musiqa tovushlari eshitiladi)
Tarbiyachi: Men bilgan bir sehrgar menga sehrli bo’yoqlar berdi. Ular suvga rasm chizish uchun ishlatilishi mumkin!
Tarbiyachi: Mana, mening stolimda turli xil rangdagi bo’yoqlar, mo’yqalam, idishda suv, qog’oz, nam salfetkalar va suv. Bu ish qurollari bilan “ebru” deb nomlanuvchi texnologiya asosida ajoyib rasmlar chizish mumkin. Bu so’zni meni ortimdan qaytaring - “ebru”.