Annotatsiyasi

Tarbiyachi: Kitobning keyingi sahifasini ochamiz va qaraymiz. Kim biz tomonga shoshilib kelyapti? Bolalar, bu kim ekan?



Bolalar: Qizil qalpoqcha.
Tarbiyachi: To’g’ri, bu Qizil qalpoqcha. Qizil qalpoqcha bizning yordamimizga muhtoj. U yo’lni qanday kesib o’tishni bilmaydi. Keling, unga yordam beramiz va “Tez va to’g’ri javob ber” o’yinini o’ynaymiz. Savollarni diqqat bilan tinglang.

1. 
   Avtomibillar qayerda yuradi?
   

Bolalar javobi: Avtomobillar yo’l bo’ylab yuradi.
Tarbiyachi: To’g’ri. Keyingisini eshiting.

2. 
   Piyodalar qayerdan yurishadi?
   

Bolalar javobi: Maxsus piyodalar yurishi uchun mo’ljallangan yo’lakdan.
Tarbiyachi: Barakalla.

3. 
   Piyodalar ko’chani qayeridan kesib o’tishlari mumkin?
   

Bolalar javobi: Piyodalar o’tish joyidan.
Tarbiyachi: To’g’ri. Lekin, bolajonlar, yo’lda piyodalar o’tish joyi bo’lmasa-chi?
Bolalar javobi: Maxsus yo’lchiroqlar yordamida.
Tarbiyachi: Juda to’g’ri. Yo’lchiroqda nechta rang bor?
Bolalarning javobi: Uchta.
Tarbiyachi: Bu qaysi ranglar?
Bolalarning javobi: Qizil, sariq va yashil.
Tarbiyachi: Bolajonlar, kelinglar, yo’lchiroqning ranglari bilan bir o’yin o’ynaymiz. Men navbat bilan ranglarni ochaman, siz esa mos keladigan harakatlarni bajarishga harakat qilasiz.
“Yo’lchiroq” o’yini o’tkaziladi.
Tarbiyachi: Bolalar, Qizil qalpoqcha, unga yordam berganingiz uchun sizdan juda minnatdor va sizga g’ayrioddiy gulimizning yana bir yaprog’ini hadya qildi. Rahmat senga, Qizil qalpoqcha. Xayr. Biz esa, bolajonlar, yo’limizda davom etamiz.
“Ertaklar olamida” qo’shig’i yangraydi.
Tarbiyachi: Biz ertaklar kitobimizning keyingi sahifasini ochamiz. Bolalar, qaranglar, bizni ajoyib uchrashuv kutmoqda. Mana bular archa daraxti. Ulardan birining tagida quyonchaning onasi o’tiribdi. Mening nazarimda, u nimadandir xavotirda, menimcha, quyon bolalari uychalariga yetib bora olmayaptilar. Quyonchalar qaysi uyda yashashlarini esdan chiqarib qo’yishibdi. Keling, ularga yordam beramiz.
(Tarbiyachi bolalarni stollarga taklif etadi.)
Tarbiyachi: Bolalar, mana bu rasmdagi quyonchalarga qarang. Ular qandaydir boshqacha, to’g’rimi? Ularning tanasi nimaga o’xshaydi, qaysi geometrik shakllarni sizga eslatyapti?