Аннотацияси мавзунинг долзарблиги

Тадқиқотнинг методологик асоси: Ўзбекистон Республикаси Конституцияси, “Давлат тили” тўғрисидаги Қонуни, “Таълим тўғрисида”ги Қонун, “Кадрлар тайёрлаш миллий дастури”, Ўзбекисон Республикаси ҳукумати ва Халқ таълими вазирлиги томонидан қабул қилинган қарорлар, Бошланғич таълим концепцияси, методист, психолог, дидакт олимларнинг муаммо юзасидан қайд этган қарашлари ҳамда Ўзбекистон Республикаси Президентининг рақобатбардош ёшларни тарбиялаш тўғрисидаги асарлари.
Ҳимояга олиб чиқилаётган холатлар:
1.Бошланғич синф она тили таълимида алгоритмик машқлар тизимини ишлаб чиқиш долзарб методик муаммо эканлиги.
2.Бошланғич синф она тили таълимида алгоритмик машқлардан фойдаланишнинг мавжуд ҳолати.
3.Она тили дарсларида алгоритмик машқлардан фойдаланиш натижасида ўқувчиларнинг абстракт ҳамда мантиқий фикрлашини шакллантириш жараёни .
4.Бошланғич синф она тили таълимида алгоритмик машқлардан фойдаланиш ўқувчиларда ижодий топшириқлар устида ишлаш малакасини такомиллаштиради.
5.Алгоритмк машқлар ўқувчилар тафаккури ва мустақил фикрлаш лаёқатларини ўстиришнинг етакчи воситасидир.
6. Бошланғич синф она тили таълимида алгоритмик машқлардан фойдаланишнинг шакл, метод ва воситалари.
7. Она тили дарсларида алгоритмик машқлардан фойдаланиш учун илмий –методик тавсиялар.
Тадқиқотнинг илмий янгилиги: диссертацияда бошланғич синф она тили таълимида алгоритмик машқлар тизими муаммоси алоҳида тадқиқот мавзуси сифатида ажратилиб, долзарб методик муаммо эканлиги асосланди; унинг шакл, метод ва воситалари аниқланди; бошланғич синф ўқувчиларининг мантиқий фикрлашида алгоритмик машқларнинг ўрни ва аҳамияти таҳлил қилинди; алгоритмик машқлар устида ишлаш ўқувчиларнинг эвристик қобилиятларини ривожлантириш ҳамда ўқувчилар ўзлаштиришининг сифатини яхшилашдаги ўрни ўрганилди.
Тадқиқотнинг назарий аҳамияти: педагогик ва методик қарашлар бошланғич синф она тили таълимида алгоритмик машқлар тизимини ишлаб чиқиш ғоялари билан бойитилди; алгоритмик машқларнинг турлари; она тили таълими жараёнида алгоритмик машқлардан фойдаланиш мезонларининг ишлаб чиқилганлиги; алгоритмик машқлардан она тили дарсларида самарали фойдаланиш имкониятлари ҳамда машқлардан фойдаланиш бўйича илмий–методик тавсияларнинг ишлаб чиқилганлиги билан белгиланади.