Аннотацияси мавзунинг долзарблиги

Диссертациянинг илмий–тадқиқот ишлар дастури билан боғлиқлиги: тадқиқот иши Бухоро давлат универcитети Педагогика кафедрасининиг “Бошланғич таълимни ижодий ташкил этишда ўқувчиларнинг мустақил фикрлаш малакасини шакллантириш” номли илмий ишлар дастури доирасида бажарилган.
Тадқиқот мақсади: бошланғич синф она тили таълимида алгоритмик машқлар тизимини ишлаб чиқишнинг илмий-амалий асосларини тавсифлаш ҳамда методик тавсиялар ишлаб чиқиш.
Тадқиқот объекти: бошланғич синф она тили таълими жараёни.
Тадқиқот предмети: бошланғич синф она тили таълими жараёнида фойдаланишга мўлжалланган машқлар тизими, шакл, метод ва воситалари.
Тадқиқот вазифалари:
-бошланғич синф она тили таълимида алгоритмик машқлар устида ишлаш долзарб методик муаммо эканлигини илмий-амалий жиҳатдан асослаш;
-бошланғич синф ўқитувчилари фаолиятларида алгоритмик машқлардан фойдаланишнинг мавжуд ҳолатини ўрганиш;
-бошланғич синф она тили таълимида алгоритмик машқлар тизимини ишлаб чиқиш;
-бошланғич синф она тили таълимининг сифатини яхшилашда алгоритмик машқлар тизимини ишлаб чиқишнинг назарий ва амалий асосларини умумлаштириш;
-алгоритмик машқлар тизимини бошланғич синф она тили таълимига татбиқ қилиш ва унинг самардорлигини ўрганиш.
Тадқиқотда бошланғич синф она тили таълимини такомиллаштиришни мўлжаллаб қуйидаги илмий фаразни назарий ва амалий исботлашга эътибор қаратилади. Агар:
-бошланғич синф она тили таълимида илмий асосланган алгоритмик машқлар тизими ишлаб чиқилса;
-алгоритмик машқлар ўқувчиларнинг реал ўқув имкониятларига мос тузилса;
-ишлаб чиқилган алгоритмик машқлар она тили дарсликларига татбиқ этилса;
-ишлаб чиқилган алгоритмик машқлар бошланғич синф она тили ўкитишнинг самарадорлигини оширишга шарт-шароит яратиб, ўқувчиларнинг мантиқий ва абстракт тафаккурини ривожлантириш ҳамда ўзлаштиришнинг сифатини яхшилашга олиб келади.
Тадқиқот методлари: мавзуга оид психологик, дидактик, методик, адабиётлар мазмунини ўрганиш, суҳбат, анкета-сўровнома, педагогик эксперимент, математик -статистика.