Annotaciya: bul maqalada “Abat awıl” joybarın ámelge asırıw ushın arnawlı Qaģıydanıń tastıyıqlanıwı, fond qarjıları basqarılıw, arnawlı Keńestiń qáliplestiriliwi, Keńestiń is alıp barıwı, fond dáramatlari hám qárejetleri tastıyıqlanıwı

«ABAT AWÍL» FONDÍ QARILARÍN BASQARÍW

Qaraqalpaq mámleketlik universiteti yuridika fakulteti studenti

Rametullaev Inayatulla Xabibullaevich

e-mail: [e-mail]

Annotaciya: bul maqalada “Abat awıl” joybarın ámelge asırıw ushın arnawlı Qaģıydanıń tastıyıqlanıwı, fond qarjıları basqarılıw, arnawlı Keńestiń qáliplestiriliwi, Keńestiń is alıp barıwı, fond dáramatlari hám qárejetleri tastıyıqlanıwı, Keńestiń juwapkershilik máseleleri haqqında ayttıp ótilgen.

Gilt sózler: Ministrler Kabineti, “Abat awıl”, Ministrler Keńesi, wálayatlar, fond, , wálayatlar, Qaģıyda, Keńes, smeta.

Ózbekstan Respublikası Prezidentiniń «Abat awıl» joybarı haqqında» 2018 jıl 29 mart daǵı PF-5386 -san Pármanı atqarılıwın támiyinlew maqsetinde Ministrler Mákemesi «Qaraqalpaqstan Respublikası Ministrler Keńesi hám wálayatlar hákimlikleri janındaǵı «Abat awıl» fondı qarjıların qáliplestiriw hám de olardan paydalanıw tártibi tuwrısındaǵı qaǵıydanı tastıyıqlaw haqqında» qarar qabılladı. Qararda Qaraqalpaqstan Respublikası Ministrler Keńesi hám wálayatlar hákimlikleri janındaǵı «Abat awıl» Fondı qarjıların qáliplestiriw hám de olardan paydalanıw tártibi tuwrısında qaǵıyda tastıyıqlanǵan.

Qaǵıyda Qaraqalpaqstan Respublikası Ministrler Keńesi hám wálayatlar hákimlikleri janındaǵı «Abat awıl» fondı iskerligin basqarıw jáne onıń qarjıların bólistiriw Qaraqalpaqstan Respublikası Ministrler Keńesi Baslıǵı hám wálayatlar hákimleri baslıq etiwshi Fond iskerligin basqarıw Keńesi tárepinen ámelge asırılıwı belgilengen. Keńes quramı Qaraqalpaqstan Respublikası Ministrler Keńesi Baslıǵı hám wálayatlar hákimleri tárepinen tastıyıqlanadı. Bunda Keńes quramına Qaraqalpaqstan Respublikası Ministrler Keńesi hám wálayatlar aymaqlıq sektor basshıları, qala hám rayon hákimleri hám de ministrlik hám keńseler, xojalıq basqarıwı shólkemleriniń aymaqlıq bólimleri basshıları kiritiledi. Keńes jıynalısı aǵzalarınıń yarımınan kóbi qatnasqan táǵdirde wákillikli esaplanadı. Kórip shıǵılıp atırǵan máseleler boyınsha qararlar ápiwayı kópshilik dawıs beriw jolı menen qabıl etiledi. Qarar qabıllawda dawıslar teń bolıp qalǵan jaģdayda, Keńes baslıǵı tárepinen sheshiwshi qarar qabıl etiledi. Qabıl etilgen qarar protokol formasında rásmiylestiriledi. Keńes jıynalısı hár sherekte keminde bir márte shaqırıladı.

Keńes fondga kelip túsken qarjılar sheńberinde dáramatlar hám qárejetler smetasın tastıyıqlaydı; zárúr jaǵdaylarda tastıyıqlanǵan dáramatlar hám qárejetler smetasına tiyisli ózgeris hám qosımshalar kiritedi; fond qarjılarınan maqsetli hám nátiyjeli paydalanılıwın qadaǵalaydı; fondtıń sherek juwmaǵı boyınsha dáramatları hám qárejetleri orınlanıwi tuwrısındaǵı esabatın kórip shıǵadı hám de tastıyıqlaydı; fond qarjıların qáliplestiriw hám olardan paydalanıw menen baylanıslı basqa wákilliklerdi ámelge asıradı.

Qaraqalpaqstan Respublikası Ministrler Keńesi hám wálayatlar hákimleriniń buxgalteriya xızmeti Fondtıń jumısshı organı esaplanadı. Jumısshı organ fondnıń dáramatlar hám qárejetler smetasın tayarlaydı; fond túsimlerin kóbeytiw jáne onıń qarjılarınan nátiyjeli paydalanıw boyınsha usınıslar tayarlaydı; fondtıń tusimler derekleri hám de tiykarǵı qárejetler baǵdarları boyınsha esabın júrgizedi; hár sherekte fond dáramatları hám qárejetleri tuwrısında esabat tayarlaydı hám Keńeske usınadı.

Fond qarjılarınan paydalanıw boyınsha esap hám esabatlar jergilikli atqarıw hákimiyatı uyımlarınıń byudjetten tısqarı basqa qarjılarınan bólek júritiledi. Fondtıń dáramatları hám qárejetleri smetası byudjet shólkemleri ushın byudjetten tısqarı qarjılar boyınsha nızam hújjetlerinde belgilengen tártipte dúziledi. Fondtıń dáramatları hám qárejetleri smetalarınıń atqarılıwı boyınsha jıllıq esabat Keńes májilisinde kórip shıǵıladı. Fondtıń dáramatları hám qárejetleri smetalarınıń orınlanıwı Ózbekstan Respublikası Finans ministrligi, Ekonomika ministrligi, Investiciyalar boyınsha mámleket komiteti hám basqa mápdar shólkemlerdiń juwapker xızmetkerlerinen dúzilgen sırtqı audit toparı tárepinen uyreniledi hám de tiyisli juwmaq tayarlanadı.

Paydalanılģan ádebiyatlar:

1.«Обод қишлоқ» дастури тўғрисида» Ўзбекистон Республикаси Президентининг ПФ-5386-сон Фармони

1.«қорақалпоғистон Республикаси Вазирлар Кенгаши ва вилоятлар ҳокимликлари ҳузуридаги «Обод қишлоқ» жамғармаси маблағларини шакллантириш ҳамда улардан фойдаланиш тартиби тўғрисидаги низомни тасдиқлаш ҳақида» Ўзбекистон Республикаси Вазирлар Маҳкамасининг Қарори

2.«Қорақалпоғистон Республикаси Вазирлар Кенгаши ва вилоятлар ҳокимликлари ҳузуридаги «Обод қишлоқ» Жамғармаси маблағларини шакллантириш ҳамда улардан фойдаланиш тартиби тўғрисида» Низом.