Aniq-tabiiy fanlar va jismoniy madaniyat fakulteti tabiiy fanlar kafedrasi

O‘ZBEKISTON RESPUBLIKASI
OLIY TA’LIM FAN VA INNOVATSIYALAR VAZIRLIGI


O’ZBEKISTON-FINLANDIYA PEDAGOGIKA INSTITUTI
ANIQ-TABIIY FANLAR VA JISMONIY MADANIYAT FAKULTETI
TABIIY FANLAR KAFEDRASI
60110800 – Kimyo ta’lim yo‘nalishi


240-guruh talabasi
Abduraimov Azizjon Shamsiddin o'g'lining
Malakaviy-pedagogik amaliyot bo’yicha umumiy
HISOBOTI

Amaliyot manzili: Samarqand viloyati Samarqand shahar
6-umumiy o’rta ta’lim maktabi
Amaliyot rahbari: Eganberdiyev N.Sh


SAMARQAND – 2023
Birinchi (20.02.2023) kuni maktabda maktab tomonidan biriktirilgan amaliyotchi o’qituvchi Zayniyeva.M.A, o’quv ishlari bo’yicha direktor o’rinbosari Saliyev.N.B va amaliyot rahbarimiz Egamberiyev.N.Sh lar kutib olishdilar va bizni malakaviy-pedagogik amaliyot yo’riqnomasi bilan tanishtirdilar.

6-umumiy o’rta ta’lim maktab o’quv ishlari bo’yicha direktor o’rinbosari Saliyev.N.B maktabdagi o’quvchilar uchun ajratilgan sinflar kam ammo o’quvchilar ko’p bo’lganligi sababli maktab 2 smena asosida ishlashini va bizni ya’ni 240-guruhni 2-smenadagi sinflarga bo’lib chiqganliklari to’g’risida ma’lumot berdilar. Menga va yana 3 kursdoshimga 10-A sinf biriktirildi, biz shu kunning o’zidayoq sinfni topib, sinfdagi barcha bolalar soni nechta ekanligi, dars rejimi, dars jadvallari bilan tanishib tahlil daftarga yozib oldik.

Ikkinchi (21.02.2023) kun biz kimyo fani o’qituvchisi Zayniyeva.M.A ning yillik taqvim ish rejasini tanishib chiqdik va bizning ya’ni 10-A sinfga biriktirilgan kimyo fanidan qaysi mavzularga kelganliklari haqida tanishdik. Kimyo laboratoriya xodimasi Saidmurodova.D bilan birgalikda maktabning kimyo laboratoriya xonasi, undagi jihozlar va laboratoriya texnika-xavfsizlik qoidalari bilan tanishib chiqdik.

Biologiya (fan o’qituvchisi: Davronkulova.F), Geografiya (fan o’qituvchisi: Rahimov.O), Jismoniy tarbiya (fan o’qituvchisi: Suyarov.F) darslarini kuzatdik. Barcha o’qituvchilar o’quvchilarga vatanga bo’lgan muhabbat bilan birgalikda, o’z mavzularini bog’lab tushuntirishdilar, darslarda ayniqsa Davronkulova.F qo’llagan “Ari uyasi” metodi, Rahimov.O ning o’quvchilarga video-proektor orqali mavzuviy taqdimot qo’yganligi va Suyarov.F ning o’quvchilarga jismoniy tarbiya sog’lik uchun qanchalar kerakligi to’g’risidagi amaliy mashqlar orqali ko’rsatib bergani yuqori yutuqlardir.