Aniq fanlar metod birlashmasi a'zolarining II chorakda amalga oshirgan ishlari yuzasidan tayyorlagan hisoboti

Aniq fanlar metod birlashmasi a'zolarining II chorakda amalga oshirgan ishlari yuzasidan tayyorlagan
HISOBOTI
Noyabr oyida informatika fani o'qituvchisi T. Pazilov tomonidan yangi pedagogik texnologiya asosida "Facebook ijtimoiy tarmog'i " mavzusida metodik qo'llanma yaratildi. Metodik qo'llanmada hozirgi kunda taniqli va dunyodagi eng mashhur Facebook ijtimoiy tarmog'i allaqachon dunyoning deyarli barcha davlatlarini qamrab olgan va judayam ko'p foydalanuvchilarga ega bo'lgan ijtimoiy tarmoq ekanligi haqida ma'lumot berilgan.
Noyabr oyida matematika fani o'qituvchisi J. Xudoyberdiyev tomonidan zamonaviy pedagogik texnologiyalar asosida 11-"B" sinfda geometriya fanidan "Prizma hajmi " mavzusida ochiq dars tashkil etdi. Dars davomida oddiydan-murakkablikka yo'nalgan usuldan foydalanildi. O'quv materiallarining mazmuniga, dars maqsadiga, sinfning imkoniyatlariga mos "Aqliy hujum", "BBB" metodlaridan foydalanildi.
Noyabr oyida 9-11-sinf o'quvchilari bilimidagi bo'shliqlarni aniqlash maqsadida matematika fanidan ichki nazorat o'tkazildi. Barcha sinf o'quvchilaridan 5 ta misollardan iborat yozma ish, 15 talik test variantlari olindi .


Test natijalari

T/r	Fan	Sinf	Jami o'quvchi soni	"5"	"4"	"3"	"2"	Samara dorlik	O'z lashtirish	Fan o'qituvchisi
1	Matematika	9-"A"	28	3	22	3	-	89%	100%	G. Rahmonova
2		9-"B"	26	3	17	6	-	77%	100%	J. Xudoyberdiyev
3		11-"A"	11	2	6	3	-	73%	100%	F. Jovliyeva
4		11-"B"	12	4	5	3	-	75%	100%	J. Xudoyberdiyev

Matematika fani o'qituvchisi G. Rahmonova tomonidan zamonaviy pedagogik texnologiyalar asosida 8-"A" sinfda geometriya fanidan "Trapetsiya va uning xossalari" mavzusida ochiq dars tashkil etdi. Dars jarayonida ko'rgazmali qurollardan foydalanildi. Ma'ruza, suhbat metodlaridan foydalangan holda YaPT asosida dars tashkil etildi.

Dekabr oyida aniq fanlar kesimida tashkil etilgan to'garak a'zolarining ijodiy ishlari taqdimoti bo'lib o'tdi. O'quvchilarning ijodiy ish namunalarini metod birlashmaga taqdim etishdi. 8-"B" sinf o'quvchisi Soataliyev Og'abek matematika fanidan "Chiziqli va kvadrat tenglamalar" mavzusida, 11-"B" sinf o'quvchisi Hamdamov Temur tomonidan "Prizma va parallelipiped" mavzusida, 9-"B" sinf o'quvchisi Aminjonova Oydinoy tomonidan "Birhadlar va ko'phadlar" mavzusida , 7-"A" sinf o'quvchilari Soataliyev Xurshid tomonidan "Yig'indining kvadrati. Ayirmaning kvadrati " mavzusida, Abdulahatov Ja'far tomonidan "Uchburchaklar haqida umumiy ma'lumot" mavzusida, 8-"A" sinf o'quvchisi Ochilov Diyor tomonidan "Buyuk matematik, astronom va geograf Muhammad al-Xorazmiy haqida"mavzularida ijodiy ishlar tayyorlashgan.
II chorak yakunida metod birlashma rahbari matematika fani o'qituvchisi J. Xudoyberdiyev tomonidan aniq fanlar metod birlashma a'zolariga "Kombinatorika elementlari " mavzusida mahorat darsini o'tib berdi va ushbu mavzuda dars ishlanma tayyorladi. Dars ishlanmada kombinatorik xarakterga ega bo'lgan masalalarda mumkin bo'lgan barcha variantlar sonini hisoblash uchun "nechta?" yoki "necha xil usulda?" kabi savollarga javob berish talab qilinishi haqida ma'lumot berilgan.
Oktabr oyida 7-8-sinflardan o'quvchilar bilimining o'zlashtirish ko'rsatkichini aniqlash maqsadida test variantlari olingan edi va natijalar ancha past ekanligi sababli noyabr oyida qayta tekshirish o'tkazildi.