Animatsiyalarni yaratish dasturlarida ishlash asoslari

Animatsiyalarni yaratish dasturlarida ishlash asoslari

Adobe Photoshop dasturida ishlash

Adobe Photoshop dasturida ishlash

Grafik  muharrirlarning  boshqa  turlari  grafikli  tasvirlar  chizish  uchun  emas,  balki  tayyor grafikli  tasvirlar  ularning  sifatini  oshirish  maqsadida  qayta  ishlash  uchun  mo‘ljallangan.  Bunday dasturlar guruhiga Adobe Photoshop, Photostyler, Picture Publisher va boshqalar kiradi.

Bugungi  kunda  tayyor  tasvirlar  bilan  ishlashga  mo‘ljallangan  dasturlar  ichida  eng  asosiysi Adobe  Photoshop  grafik  muharriri  hisoblanadi.  Adobe  Photoshop  grafik  muharriri  birinchi  navbatda grafikli  tasvirlarni  tashkil  qilish  emas,  balki  ularni  qayta  ishlash  uchun  mo‘ljallangan.  Dasturning asosiy  boshqarish  elementlari  menyu  qatori  va  uskunalar  majmuasida  joylashgan.

Bundan  tashqari dasturda muhim muloqot oynasi - asboblar palitrasi ishlatiladi. Hozirgi kunda bu dasturning bir qancha versiyalari mavjud: Adobe  Photoshop  4.0,  Adobe  Photoshop  5.0,  Adobe  Photoshop  6.0,  Adobe  Photoshop  7.0. Dasturning bu versiyalari bir-biridan imkoniyatlari bilan farq qiladi. Photoshop dasturi bilan ishlashda asosiy vosita bo‘lib «sichqoncha» ishlatiladi.

Photoshop 7.0 dasturi bilan ishlash uchun minimum quyidagilar talab qilinadi:

-  Intel protsessorli Pentium III yoki IV kompyuteri;

-  Windows 98, Windows 2000, Windows NT, Windows XP  operatsion tizimlaridan biri;

-  128 Mbayt operativ xotira;

-  Qattiq diskda 280 Mbayt bo‘sh joy;

-  CD-ROM diskovod;

-  monitor 16-bitli videokarta bilan;

-  800x600 va undan yuqori nuqtali video tizim.

Adobe Photoshop dasturini ishga tushirish va undan chiqish

Adobe  Photoshop  dasturini  ishga  tushirish  uchun  «sichqoncha»  ko‘rsatkichi  Пуск  ga keltiriladi,  Программы  bandidan  Adobe  Photoshop  dasturi  tanlanadi  va  «sichqoncha»  tugmachasi bosiladi.

Adobe  Photoshop  dasturi  ishga  tushgandan  so‘ng,  ekranda  quyidagi  asosiy  ishchi  oynasi paydo bo‘ladi.

Adobe  Photoshop  dasturi  bilan  ishni  tugallash  quyidagi  usullardan  biri  bilan  amalga oshiriladi:

-  Alt→F4 tugmachalarini bosish bilan;

-  Файл menyusining Выход buyrug‘ini tanlash bilan;

-  Ishchi  stolning  o‘ng  yuqori  burchagida  joylashgan  sistema  menyusidagi  [x]  belgisida «sichqoncha»  tugmachasini  bosish  bilan.  Agar,  Adobe  Photoshop  dasturidan  ch iqish  vaqtida  diskda saqlanmagan  fayl  mavjud  bo‘lsa, u holda ekranda  muloqot oynasi paydo bo‘ladi  va undagi  so‘rovga quyidagicha javob beriladi:  Дa  -  faylni saqlash,  Нет  -  faylni saqlamasdan chiqish,  Отмена  -    dastur bilan ishlashni davom ettirish.

Adobe  Photoshop  grafik  muharriri  bilan  ishni  boshlash,  odatda,  tayyor  rasmli  faylni  ishga tushirish  (bu  ish  Файл→Открыть  buyrug‘i  orqali  amalga  oshiriladi)  yoki  import  qilish  bilan boshlanadi.  Skaner,  raqamli  videokamera  va  boshqa  kiritish  qurilmalari  yordamida  o lingan  tasvirlar ularni  import  qilish  deb  tushuniladi.  Tasvirlarni  import  qilish  uchun  Файл→Импротировать buyrug‘i ishlatiladi.