Angren shahar istiqlol yillarida

1-oktabr - O`qituvchi va murabbiylar kuni

1997 yildan e’tiboran Prezidentimizning maxsus farmoniga binoan har yili 1-oktabr-O’qituvchilar va murabbiylar kuni-umumxalq bayrami sifatida nishonlanadi.

Zero, bu kun ma’rifatparvar xalqimiz, farzandi kamolini ko‘rish istagidagi ota-onalar, bilimga chanqoq yoshlar uchun ham chinakam bayramdir. Mehridaryo ustozlarni ardoqlash, ularga ehtirom ko‘rsatish xalqimizning azaliy va ayni paytda istiqlol yillarida yangicha ma’no va mazmun kasb etgan qadriyatlaridandir.

Shu kunlarda mamlakatimizda umumxalq bayrami – O‘qituvchilar va murabbiylar kuniga bag‘ishlangan ko‘plab tadbirlar, anjumanlar, davra suhbatlari, uchrashuvlar o‘tkazilmoqda.

Davlatimiz rahbarining 2008 yil 29 sentabrda qabul qilingan farmoniga binoan mamlakatimiz ta’lim-tarbiya tizimida alohida o‘rnak ko‘rsatgan xodimlardan bir guruhi Vatanimizning yuksak mukofotlari bilan taqdirlandi.

Vatanimizning taraqqiyot yo‘lida, jahon hamjamiyatidagi nufuzi va obro‘sining tobora yuksalishida, hayotimizning barcha yo‘nalishlaridagi islohotlarni chuqurlashtirish, jamiyatimizni yangilashda yosh avlod ta’lim-tarbiyasi muhim o‘rin tutadi. Shu bois yurtimizda ta’lim tizimini tubdan isloh etish davlatimiz siyosatining ustuvor yo‘nalishlaridan biri sifatida belgilandi. Sohaga izchillik bilan tatbiq etilayotgan “Ta’lim to‘g‘risida”gi qonun, Kadrlar tayyorlash milliy dasturi, 2004-2009 yillarda Maktab ta’limini rivojlantirish Davlat umummilliy dasturi jahon andozalari darajasida ta’lim dargohlarini barpo etish, mavjudlarini qayta rekonstruksiya qilish, kapital va joriy ta’mirlash, ularning moddiy-texnik bazasini mustahkamlash, zamonaviy o‘quv-laboratoriya uskunalari, jihozlar, kompyuter texnikasi bilan ta’minlash imkonini bermoqda.

Ta’limda izchillik bilan olib borlayotgan islohotlar uni sifat va mazmun jihatdan yanada yuksaltirish, yangi, yanada yuqori pog‘onaga olib chiqish bilan bevosita bog‘liqdir. Bu mas’uliyatli jarayonda esa o‘qituvchilarning kasb malaka va mahorati, bilimini oshirish g‘oyat katta ahamiyatga ega. Shu bois ta’lim tizimining barcha bo‘g‘inlarida olib borilayotgan islohotlarda maktabgacha, umumiy, o‘rta maxsus, kasb-hunar, oliy ta’lim tizimi pedagog kadrlarining mehnatini qadrlash, ularni har tomonlama qo‘llab-quvvatlash, moddiy va ma’naviy rag‘batlantirish, kasbiy mahoratini yanada oshirishdek dolzarb masala davlatimiz rahbarining doimiy e’tiborida.

Muallim shunday zotki, u insoniyatni ilm bezagi bilan ziynatlaydi. Insonni haqiqiy komillik darajasiga yetkazuvchi bilim xazinasini ularning qalblariga joylaydi.

Rivoyat qilishlaricha, hazrat A.Navoiy otda safarga ketayotganida oldidan chiqqan yosh bolani ko’rib, ulovdan tusha solib, uzoq hol-ahvol so’rashgan ekan. Bundan taajublanib savol nazari bilan boqqan mulozimlarga esa bobomiz, bu bola ustozlarining pushti kamarini ekanini bildiribdi.

Darhaqiqat, muallim buyuklar ichra buyuk zot. U-matonat timsoli, mehr-muhabbat ramzi, Zero, bolaning murdak qalbiga ezgulik urug’ini qadagan, ilmga tashnalik, ota-ona, Vatanga mehr hissni uyg’otadigan hokisor inson – oddiy o’qituvchidir.

Ustozlar haqida she’rlar.

Alisher qalbiga solgan sehr – fayz,

Sensan ey muallim, ustoz Abu Lays.

Buyuk Temur sendan topgandir ta’lim,

Sen shundoq aziz zot, aziz muallim.