Ангрен шаҳар хтб тасарруфидаги 27-умумий ўрта таълим мактабида ўтказилган йиғилиш баённомаси

Ангрен шаҳар ХТБ тасарруфидаги 27-умумий ўрта таълим мактабида ўтказилган йиғилиш
БАЁННОМАСИ

2019 йил 21 октябр Соглом к.

Ўтказилди: Мактаб жамоа зали
Қатнашдилар: 85 нафар юқори синф ўқувчилари
Раис: Ярашева Г. Ю.
Котиба: Атабаева Д. Б.
Қатнашишди: «Соғлом» МФЙ мутахассиси Исанбекова М., мактабнинг ММИБДЎ Разакова Д. А. Ўзбек тили ва адабиёти фани ўқитувчилари А. Хамраева ва Дўсанова М.,психолог Уралова Ф.А., ёшлар иттифоки етакчиси Сангилова Д.А., ЧКБТ рахбари Сапаров З.К. ҳамда юқори синфлар раҳбарлари.
КУН ТАРТИБИ:
1.Ўзбекистон Республикасининг«Давлат тили ҳақида»ги Қонун қабул қилинганлигининг 30 йиллиги муносабати билан ўтказилаётган маънавий-маърифий тадбирнинг моҳияти ва унинг «Тарихимсан, тақдиримсан, келажагимсан -- она тилим!» деган эзгу ғояни ўзида мужассам этганлиги хақида маъруза.
2. «Навоий ва ўзбек адабий тилининг шаклланиши» мавзусида давра сухбати ва сахна кўринишлари.
3. «Китоб ўқимаган киши ўз тилини ҳам билмайди» мавзусида мунозара ва мушоира ўтказиш.
4. Турли соха вакиллари, шунигдек, ҳарбийлар орасидаги Давлат тилига эътибор ҳамда 9-11- синф ўқувчиларини Ҳарбий билим юртларига жалб қилиш тўғрисида.
ЭШИТИЛДИ:
Биринчи масала юзасидан раис--27-мактаб директори Г. Ярашева сўзга чиқиб, аввало барчани байрам муносабати билан қизғин қутлади. Ўзбекистон Республикасининг «Давлат тили тўғрисида» ги Қонуннинг, ундаги айрим боб ва моддаларнинг мазмун-моҳияти ва аҳамияти ҳақида бафуржа маъруза қилди.
Маъруза бўйича фикр-мулоҳаза ва ўз қўшимчалари билан яқин вақтларгача мактабимиздаги кутубхонада кўп йиллар ишлаб, ҳозирда маҳалла қўмитасида фаолият кўрсатаётган М. Исанбекова ҳам чиқиш қилди.


СЎЗГА ЧИҚИШДИ:
Иккинчи масала юзасидан ўзбек тили ва адабиёти фани ўқитувчиси М. Дўсанова мазмунли ва қизиқарли давра суҳбатлари уюштириб, ўқувчилар билан тайёрлаган саҳна кўринишларини намойиш эттирди.
Учинчи масала бўйича яна бир «тилчи» устоз А. Ҳамраева жуда чиройли факт ва рақамлар билан мисоллар келтирган холда китобнинг мўжизавий ҳусусиятларини баён қилди.Шунингдек, у ўз ўқувчилари томонидан ташкиллаштирган назм мушоирасининг фаол иштирокчиларини рағбатлантириб чиқди.