Андижон машинасозлик институти

Diplom loyihasi ishining dolzapbligi. Korxonalarni modernizatsiya qilish, texnik va texnologik qayta jihozlashni yanada jadallashtirish, iqtisodiyotning asosiy tarmoqlarida zamonaviy, moslashuvchan texnologiyalarni keng joriy etish  mamlakatimizning birinchi Prezidenti I.Karimov tomonidan ishlab chiqilgan inqirozga qarshi choralar dasturlarining eng muhim vazifalaridan hisoblanadi. Bunday vazifalarni ro‘yobga chiqarish uchun uskuna va jihozlar ish unumdorligini oshirish, issiqlik-energetik resurslarni tejash, mahsulot tannarxini kamaytirish va uning sifatini yuksaltirish hamda korxonalardagi ekologik holatni yaxshilashni ta’minlaydigan yuqori samarali jarayonlar, uskunalar va texnologiyalarni yaratish va ularni ishlab chiqarishga keng joriy qilish muhim ahamiyat kasb etadi. [2]

Respublika avtomobil sanoatini yanada barqaror rivojlantirish, ishlab chiqarilayotgan avtomobillar, avtobus va butlovchi buyumlar sifati hamda raqobatbardoshligini oshirish, eksport hajmlarini ko‘paytirish va ishlab chiqarishni mahalliylashtirishni chuqurlashtirish maqsad qilib qo‘yilgan.

Avtomobil sanoati korxonalarini modernizatsiya qilish, texnikaviy va texnologik qayta jihozlash asosiy vazifalar etib belgilangan.

Avtomobil sanoati uchun tayyor mahsulot va butlovchi buyumlar ishlab chiqarishni o‘stirishning barqaror yuksak sur’atlarini ta’minlash hamda shu asosda ichki bozorda avtomobil mahsulotlariga bo‘lgan talab─ehtiyojni qondirish darajasini yanada oshirish, eksport salohiyatini kengaytirish;

Avtotransport vositalarining butlovchi qismlari va uzellari ishlab chiqarishni chuqur mahalliylashtirish;

YUqori unumli ilg‘or texnologiyalar va uskunalarni joriy etish yo‘li bilan avtomobillarning xavfsizlik, sifat hamda ekologik xarakteristikalari bo‘yicha xalqaro talablarga javob beradigan yangi zamonaviy modellarni o‘zlashtirishdir. [3]

Ishlab chiqarishni modernizatsiya qilish, texnik va texnologik jihatdan yangilash, ishlab chiqarish, transport-kommunikasiya va ijtimoiy infratuzilma loyihalarini amalga oshirishga qaratilgan faol investitsiya siyosatini olib borish;

YUqori texnologiyali qayta ishlash tarmoqlarini, eng avvalo, mahalliy xomashyo resurslarini chuqur qayta ishlash asosida yuqori qo‘shimcha qiymatli tayyor mahsulot ishlab chiqarishni jadal rivojlantirishga qaratilgan sifat jihatidan yangi bosqichga o‘tkazish orqali sanoatni yanada modernizatsiya va diversifikatsiya qilish;

Prinsipial jihatdan yangi mahsulot va texnologiya turlarini o‘zlashtirish, shu asosda ichki va tashqi bozorlarda milliy tovarlarning raqobatbardoshligini ta’minlash;

Ishlab chiqarishni mahalliylashtirishni rag‘batlantirish siyosatini davom ettirish hamda, eng avvalo, iste’mol tovarlar va butlovchi buyumlar importining o‘rnini bosish, tarmoqlararo sanoat kooperatsiyasini kengaytirish;

Iqtisodiyotda energiya va resurslar sarfini kamaytirish, ishlab chiqarishga energiya tejaydigan texnologiyalarni keng joriy etish, Qayta tiklanadigan energiya manbalaridan foydalanishni kengaytirish, iqtisodiyot tarmoqlarida mehnat unumdorligini oshirish; [4]