Andijon davlat universiteti talabasi Jarkinboyev Muslimbekning O`zbekiston Respublikasining Davlat Mustaqilligining 29 yilligi munosabati bilan Andijon davlat universitetida o`tkazilayotgan “Sen- qudrat manbai, saodat maskni

Andijon davlat universiteti talabasi

Jarkinboyev Muslimbekning O`zbekiston Respublikasining Davlat Mustaqilligining 29 yilligi munosabati bilan Andijon davlat universitetida o`tkazilayotgan

“Sen- qudrat manbai, saodat maskani, jonajon O`zbekistonim!” tanlovi uchun “Masofaviy ta`limni rivojlantirish va yangi o`quv yilida amalga oshirilishi kerak bo`lgan islohotlar xususida mening fikrim” mavzusida yozgan taklif, yondashuv va talablari

Bugungi kun nuqtai nazaridan qaraydigan bo’lsak, ayni damda yurtimizda panemiya sharoitida ham ta’limni rivojlantirish, bilim oluvchilarning chanqog’ini qondirish bo’yicha chora-tadbirlar ishlab chiqilmoqda. O’tgan davrda ya’ni pandemiya boshlanganidan buyon talabalarning masofaviy bilim olishlari yo’lga qo’yildi. Bu yaxshi, albatta. Lekin tanganing ikki tomoni borligini barchamiz bilamiz. Shu jihatdan bugungi kunda joriy etilgan masofaviy – onlayn darslarning yutuqlari va kamchiliklari haqida o’z fikrlarim bilan o’rtoqlashmoqchiman.

Avvalo masofaviy ta’lim joriy etilgan vaqtida yuzaga kelgan kamchiliklar va yechilishi shart bo’lgan masalalarga to’xtalib o’tamiz:

1.Kamchiliklar: pandemiya sharoitida ishlash va ta`lim olish bizga bir qator qiyinchiliklar tug`dirdi. Xususan, moddiy-texnik tomonlama - kimdadir noutbuk, yaxshi smartfon bor, kimda - oddiy smartfon. Ba`zi talabalarda esa aloqa uchungina telefon bor. Internet esa yo`q. Shahar joylarda yashaydigan talabalar va qishloq joylarda yashaydigan talabalar o`rtasida juda katta farq borligi kunday ravshan. Shaharda internet, wi-fi bor. Ba`zi qishloqlarda oddiy 2G tezlikda ishlaydigan internet ham yo`q. Bor bo`lsa ham boshqa masalalar bor. Besh qo`l baravar emas. Yana pandemiya sharoitida aholida qo`shimcha internet trafik uchun ortiqcha mablag` ham yo`q(shaxsan o`zim oyiga 22.000 so`mlik tarifdan foydalanaman). Keyin platformaga joylanayotgan materiallar sifati haqida. Sifati yaxshi emas deyishimga sabab, ba`zi matnli fayllar esa, ikki xil, lotin va kirill yozuvlarida aralash berilgan. Videodarslar juda kam. Yo`nalishga aloqador bo`lmagan fanlar ham ortiqcha. Konspekt kerak emas. Sababi texnika rivojlangan paytda qo`lda yozish sal zamondan ortda qolish bo`lsa kerak.
Muammolarni bartaraf etish uchun alternative takliflar: Hukumat pandemiya sharoitida talabalar uchun ba`zi saytlarga kirishni tekin qilib qo`ydi. Agar Oliy va o`rta maxsus ta`lim vazirligi talaba va ustozlar uchun bir xil bo`lgan dastur ishlab chiqsa va u dasturda OT muassasalari alohida ajratilib chiqilsa maqsadga muvofiq bo`ladi deb o`ylayman. Ya`ni o`sha dasturga kirishni tekin qilib, O`zbekiston OTMlari platformalari bir yerga jamlanib, tekinga aylantirilsa, menimcha, yaxshi bo`lsa kerak. Yoki OTMlari o`zi uchun Moodle dasturiga o`xshash dastur yaratsa ham nur ustiga a’lo nur bo’lardi. Masalan, Namangan muhandislik qurilish instituti shunday dastur ishlab chiqdi. Dasturga kirib bir marta parol va loginingizni terasiz va bemalol ishlataverasiz. Umuman masofaviy ta`lim uchun faqat mutaxassislik fanlari kerak xolos. Sababi rivojlangan davlat OTMlarida pandemiyadan oldingi masofaviy ta`limga e`tabor beradigan bo`lsak, bakalavr uchun masofaviy ta`lim kam. Asosan, bakalavr darajasidan keyingi darajalar uchungina masofaviy ta`lim joriy etilgan ekan. Endi faqat mutaxassislik fanlarini qoldirib, o`sha darslar uchun video va audio tarzda maruzalar joylansa, ikki tomonlama foyda. Ham videodarsni ko`radi, ham audio maruzani qayta eshitadi. Hamma odamda moddiy sharoit har xil. Kimdadir yetarlicha texnik tomonlama imkon, kimdadir yo`q. OTMlarda faoliyat olib boradigan har bir odam uchun imtiyozli texnik kredit berishni ham o`ylab ko`rsa bo`ladi. Vazifani talab qilishda esa zamonaviy yechimni tanlasa ham bo`ladi. Video, slayd ko`rinishida ham qabul qilsa bo`lsa kerak.

Xulosa o’rnida aytish mumkinki, yuqorida keltirilgan kamchiliklarning yechimi ta’lim sifatini oshirishga, yurtimiz istiqboliga oz bo’lsada hissa qo’shsa, biz o’zimizni baxtiyor farzand hisoblaymiz.