Andijon davlat tibbiyot instituti farmakologiya, klinik farmakologiya va tibbiyot biotexnologiyalari kafedrasi

Kimyoviy tarkibi: Valeriana ildiz va ildizpoyasi tarkibida 0,5— 2% efir moyi va sof holda izovalerian kislota bor. Valeriananing efir moyi, asosan, ingichka ildizlarda, izovalerian kislota esa yo‘g‘on va qari ildizpoyalarda ko‘proq bo‘ladi. Bu moy tarkibida izovalerian kislotaning borneol spirt bilan hosil qilgan murakkab efiri — bornil-izovalerianat, shuningdek, borneolning sirka, chumoli kislota bilan hosil qilgan murakkab efiri hamda terpineol, pinen, kamfen, azulen, sof holdagi borneol, izovalerian kislota va boshqa birikmalar bor. Mahsulot tarkibida efir moyidan tashqari alkaloidlar, valerid glikozidi, oshlovchi moddalar, saponinlar, kislotalar va boshqa moddalar ham uchraydi. Valeriananing yangi yig‘ilgan yerostki organlari tarkibida valepotriatlar (0,5—2% miqdorida) bo‘ladi. Valepotriatlarning organizmga ta’siri yetarli o‘rganilgan emas. Lekin ular ham farmakologik jihatdan valeriananing ta’siriga ega bo‘lgan moddalarga kiradi.

Ishlatilishi: Valeriana preparatlari nerv sistemasini tinchlantirish (uyqusizlikda, nerv qo‘zg‘alishi davrida va boshqa nerv kasalliklarida) hamda yurak faoliyatini tartibga solish uchun ishlatiladi.