Anatomiya odam tanasining shakli, tuzilishi, uning funktsiyalarini va

O‘ng limfa yo‘li 
uzunligi 10-12 mm bo‘lib o‘ng o‘mrov osti o‘ng bo‘yinturuq 
va  o‘ng  poyalarning  qo‘shilishidan  hosil  bo‘ladi.  O‘ng  limfa  yo‘li  o‘ng  ichki 
bo‘yinturuq va o‘mrov osti venalarining birikish burchagiga yoki ichki bo’yinturuq 
venaga quyiladi. Ko‘pincha o‘ng limfa yo‘li bo‘lmasdan, uni hosil qiluvchi poyalar 
alohida-alohida  o‘ng  vena  burchagiga,  o‘ng  ichki  bo‘yinturuq    yoki  o‘ng  o‘mrov 
osti venasiga quyiladi.  
36-§ Taloq 
 
Taloq 
immun  tizimining  periferik  a’zosi  bo‘lib,  qonni  katta  qon  aylanish 
doirasi magistral qon tomiri (aortadan) jigarga boradigan yo‘lida joylashadi. Taloq 
qon shakliy elimentlarini hosil qilishda va modda almashinuvida ishtirok etadi. U  
toq a’zo bo‘lib, qorin bo‘shlig‘ida chap IX-XI qovurg‘a sohasida joylashadi. Uning 
uzunligi  katta  odamlarda  10-14  sm,  kengligi  6-10  sm,  qalinligi  3-4  sm,  og‘irligi 
o‘rtacha  erkaklarda  192  g,  ayollarda  153  g  tashkil  etadi.  U  cho‘zinchoq  oval 
shaklida  bo‘lib,  rangi  to‘q  qizil  boladi.  Taloqda  ikki:  yuqori  va  tashqi  tomonga 
qaragan  silliq  diafragma  yuzasi  oldinga  va  ichki  tomonga  qaragan visseral  yuzasi 
tafovut  qilinadi.  Visseral  yuzasida  taloq  darvozasi  joylashgan.  Uning  visseral 
yuzasida qo‘shni ichki a’zolar tegib turadigan qismlari bor. Taloq darvozasi oldida 
ko‘ringan  me’dal  yuzasi  me’dani  tubiga  tegib  turadi.  Taloq  darvozasi  orqasida 
joylashgan buyrak yuzasi chap buyrakning yuqori uchi va chap buyrak usti beziga,  
taloq  darvozasidan  pastda  uning  oldingi  uchiga  yaqin  joylashgan  chambar  ichak 
yuzasi chap chambar ichak burilish burchagiga tegib turadi.