Anatomiya odam tanasining shakli, tuzilishi, uning funktsiyalarini va

Kichik qon aylanish doirasi venalari 
 
Kichik qon aylanish doirasi venlari yoki o‘pka venalari qonni o‘pkadan chap 
bo‘lmachaga  olib  keladi.  Ular  har  o‘pkada  ikkitadan  jami  to‘rtta  bo‘lib,  uzunligi 
1,2-1,5, ko‘ndalang kesimi 14-18mm. O‘ng o‘pkaning hajmi katta bo‘lgani uchun 
uning venalari yo‘g‘onroq bo‘ladi. 
 
   
    
Katta qon aylanish doirasi venalari 
 
Katta  qon  aylanish  doirasi  venalari  uchta  tizimni  o‘z  ichiga  oladi:  1)  Yurak 
venalari tizimi. 2) Yuqori kovak vena tizimi. 3) Pastki kovak vena tizimi. 

---

170 
 
 
 
Yurak venalari tizimi juda kichik bo‘lib, qonni faqat yurak devoridan yig‘adi 
va  o‘ng  bo‘lmachaga  quyadi.  Yuqori  va  pastki  kovak  venalar  tizimi  tananing 
yuqori va pastki sohalaridan qon yig‘adi va yurakning o‘ng bo‘lmachasiga quyadi. 
Qorin bo‘shlig‘ida joylashgan toq a’zo venalari o‘zaro qo‘shilib darvoza venasini 
hosil qiladi. U jigar ichiga kirib tarmoqlanadi va jigar venasi bo‘lib chiqib, pastki 
kavak venaga quyiladi.