Аналог – рақамли ўзгартиргичларнинг ишлаш принципларини ўрганиш ва хатоликларини аниқлаш ишдан мақсад

Ишни бажариш тартиби

1. 
   Лаборатория иши Proteus ISIS дастурида амалга оширилади. Бунинг учун дастурни ишга тушириб, элементлар кутубхонасидан қуйидаги элементлар ишчи кутубхонага олинади (2.3-расм):
   

• 
  Потенциометр (POT-HG калит сўзи орқали);
  
• 
  Қаршилик (res калит сўзи орқали);
  
• 
  Компаратор (COMPI калит сўзи орқали);
  
• 
  Шифратор (74148 калит сўзи орқали);
  
• 
  Мантиқий қиймат индикатори (LOGICPROBE (BIG) калит сўзи орқали).
  

2.3-расм. Лаборатория иши учун компанентлар	2.4-расм. Terminals Mode бўлими

2. Олинган элементлардан фойдаланиб, ишчи майдонда 2.1-расмда кўрсатилган схема йиғилади. Схемадаги Power ҳмада Ground элементлари Terminals Mode бўлимидан олинади (2.4-расм).

3. Схемадаги Power элементи устида чичқончанинг чап тугмаси 2 марта босилса, созламалар ойнаси намоён бўлади (2.5-расм).

2.5-расм. Созламалар ойнаси
4. Бу ойнадан String майдонига максимал кучланиш киритилади, масалан +5V.
5. Кириш кучланишининг максимал қийматига нисбатан таянч кучланишлари ҳисобланади ва қуйидаги жадвал тўлдирилади.

№	Таянч кучланишлар қийматлари , В	Рақамли сигнал қиймати 2 лик саноқ системасида	Рақамли сигналга тўғри келадиган ҳақиқий кириш кучланииш	Таянч ва ҳақиқий кучланишлар фарқи, В
0	0	000
1	0.625	001
2	1.25	010
3	1.875	011
4	2.5	100
5	3.125	101
6	3.75	110
7	4.375	111

6. Схемадаги потенциометрнинг сурилувчи контакти 0% га олиб келинади ва симмулятор ишга туширилади. Потенциометрнинг сурилувчи контакти аста секинлик билан чапга суриб борилади. Суриш жараёни мантиқий индикаторнинг қиймати ўзгаргунга қадар давом эттирилади. Мантиқий индикаторнинг қиймати ўзгариши билан рақамли сигналга тўғри келадиган ҳақиқий кириш кучланииш жадвалга қайд этилади. Тажриба жараёнлари шу тарзда давом эттирилиб, жадвалнинг барча сатрлари тўлдирилади.

7. Жадвалнинг охириги устунига таянч ва ҳақиқий кучланишлар фарқи ёзилади.