Analitik kimyo

ERITMADAGI METALL IONLARI MIQDORINI KOMPLEKSONOMETRIK ANIQLASH

Eritmadagi rux yoki boshqa kationlar miqdorini EDTA eritmasi yordamida aniqlash. Aniqlash metall kationini EDTAning standart eritmasi yordamida pH=10-11 bo‘lganda metalloxromindikatori-erioxrom qora T ishtirokida titrlashga asoslangan. Titrlashga ishqoriy metallar, ammoniy, kumush, talliy (I) kationlari xalaqit bermaydi. Boshqa kationlarning xalaqit beruvchi ta’siri tegishli reagentlar yordamida bartaraf qilinadi.

Analizni bajarish tartibi. Analiz qilinadigan namunaning hisoblangan tortimi 250 ml li o‘lchov kolbasiga solinadi, suvda yoki suyultirilgan HCl da eritiladi. So‘ngra kolbaning belgisigacha suv solib, eritma astoydil aralashtiriladi. Shu eritmadan titrlash kolbasiga alikvot qism olib titrlanadi. Titrlash xuddi EDTA ni standartlashdagi kabi bajariladi.