Analitik kimyo

Titrlash natijalari yuqorida ko‘rsatilgan tartibda rasmiylashtiriladi. Analiz natijasi yuqoridagidek hisoblanadi.

SUVNING QАTTIQLIGINI EDTА BILАN ANIQLАSH.

Suvning qattiqligi undagi kalsiy va magniy ionlari miqdori bilan belgilanadi va mg-ekv/l larda ifodalanadi. Ayrim hollarda suvning qattiqligi graduslarda ham ifodalanadi. Buning uchun mg ekv/l -lardagi qiymat 2,8 ga ko‘paytiriladi. Suvning umumiy qattiqligi uning namunasini erioxrom qora T indikatori ishtirokida komplekson III bilan titrlab aniqlanishi mumkin. Odatda kalsiy va magniy miqdori aniqlanadi. Zarur hollarda ularning har birining miqdorini ham aniqlash mumkin. Bunda metallarning umumiy miqdoridan magniyning miqdori ayriladi. Magniyning miqdorini aniqlashda suvning umumiy qattiqligi aniqlanganda olingancha alikvot qismi olinadi va eritmadagi kalsiy ioni kalsiy oksalat holida cho‘ktiriladi. So‘ngra eritmada qolgan magniy ioni komplekson eritmasi bilan titrlanadi. Kalsiyning miqdori natijalar farqiga ko‘ra aniqlanadi. Rux va mis ionlari sulfidga bog‘lanadi, marganetsning oksidlanmasligi uchun gidroksilamin qo‘shiladi.