Analitik kimyo

Qayd qilish asbobi. Signalni qayd qiluvchi o’lchash asbobi sifatida М907-Ю turidagi 1 mikro ampermetr ishlatiladi. Mikroampermetr qopqogining orqa tomonida o’lchash chegarasi 0,1 V dan ko‘p bo’lmagan raqamli voltmetrni ulash uchun joy 1 qo‘yilgan.

Asbobni ishlatish bo‘yicha umumiy ko‘rsatmalar. Kolorimetr old tomonining chap qismida qora rang bilan 315,364,400,440,490, 540 bilan belgilangan yorug‘lik filtrlari va asbobning sezgirligini boshqarish

uchun qora rangli «1», «2», «3» «чувствительность» dastalari o‘rnatilgan. 315-540 nm oralig‘ida ishlaganda «чувствительность» dastalari ham qora rangli «1», «2» va «3» raqamlariga o‘rnatiladi.

O‘lchashlar qizil rangli 590,670,750,870,980 nm to’lqin uzunliklariga ega bo’lgan yorug’lik filtrlari yordamida olib borilganda, «чувствительность» dastasi ham qizil yozuvli «1», «2», «3»

holatlardan biriga o‘rnatiladi. Kyuvetalar yorug’lik tushadigan va chiqadigan derazalarining yuzalari toza bo’lishi kerak. Bu tomonlar yuzasida dog‘ yoki eritmaning tomchisi qolgan bo’lsa, u o’lchash natijalari aniqligini pasaytiradi. Kyuvetalarni kyuveta ushlagichga qo‘yish va undan olishda kyuveta ning yorug’lik tushadigan va chiqadigan tomonlari barmoq bilan ushlanmasligi kerak. Kyuvetaga quyiladigan suyuqlikning balandligi uning yon devoriga chizilgan belgi bilan bir xil bo’lishi kerak. Yorug’likning yo’liga navbatdagi yorug’lik filtrini o‘rnatishda «chuvstvitelnost» dastasi «1» holatga qo‘yilishi va «ustanovka 100 grubo» dastasi chap tomonga to’liq buralgan bo’lishi kerak. Bu bilan qayd qiluvchi mikroampermetrga katta tok berishning oldi olinib, asbobning ishlash muddati uzaytiriladi. Yorug‘lik filtrini almashtirgandan so‘ng yorug‘lik qabul qilgichga 5 daqiqa davomida yorug‘lik tushirib, keyin o‘lchash boshlanadi.