Analitik kimyo

A=A₁ + A₂+A₃+...+A_n

yoki

A=(e₁C₁+e₂C₂+e₃C₃+.. .+e_nC_n)l

Tarkibida yutilish yoiaklari spektming turli qismlarida joylashgan yutuvchi birikmalami o‘z ichiga olgan aralashmani fotometrik analiz qilishda hisoblashlar uchun (1.6) tenglama ishlatiladi. Bunda aralashma ning optik zichligi bir nechta toiqin uzunliklarida oichanadi va tenglamalar sistemasi tuziladi. So‘ngra tuzilgan tenglama C₁, C₂, C₃,..., C_n konsentratsiyalarga nisbatan yechiladi.

SPEKTROFOTOMETRIYA

Fotometrik usullar rangli birikmalarning yutilish spektrlarini tekshirishga asoslangan. Fotometrik analizda yutilish yo’lagining kengligi katta ahamiyatga ega bo’lib, yo’lakning kengligi qancha katta bo’lsa, moddalar aralashmasini analiz qilish shuncha qiyin bo’ladi. Rang hosil qiluvchi reaktivning va kompleksning yutilish yo’laklari keng bo’lsa, ularning bir-birini o‘zaro qoplash, ya’ni ustma-ust tushish, ehtimoli ortadi. Bu esa o‘z navbatida analizni murakkablashtiradi. Yo’lakning kengligi uning yarim kengligi deb ataladigan kattalik bilan tasvirlanadi. Ko‘pchilik hollarda oddiy molekulalar uchun yutilish yo’lagining yarim kengligi 80-100 nm ga teng. Bu kattalik qancha kichik bo’lsa, analiz shuncha yaxshi bo’ladi. Moddani fotometrik usul bilan aniqlash ikki qismdan iborat bo’ladi: aniqlanadigan moddani elektromagnit nurlari yutadigan birikmaga aylantirish va hosil qilingan birikma eritmasi yutgan elektromagnit nurlar intensivligini o’lchash. Amalda hamma elementlarni aniqlash uchun fotometrik usullar ishlab chiqilgan. Biroq eritmalari spektrning ultrabinafsha, ko‘rinadigan va yaqin infraqizil sohalarida yutadigan ba’zi ionlarning birikmalarini olish uchun kimyoviy reaksiyalar ishlab chiqilmagan. Bunday moddalarni aniqlash uchun bilvosita usullardan foydalaniladi.