Analitik, fizik-kolloid va biologik kimyo

. Kationlarni ikkinchi analitik guruhiga umumiy xarakteristika.

Ikkinchi guruh kationlariga Са²⁺, Sr²⁺ va Ва²⁺ ionlari kiradi. Ular D.I.Mendeleevning elementlar davriy sistemasi ikkinchi guruhning asosiy gruppachasiga joylashgan ishqoriy yer metallardir. Kaltsiydan bariyga tomon metallarning aktivligi ortib boradi. СаО, SrО va ВаО oksidlar suvda erib gidroksidlar hosil qiladi. Ularning gidroksidlari kuchli ishqorlar jumlasiga kiradi.

Ikkinchi guruh kationlarining qarbonatlari suvda erimaydi. Ammo НСI, HNO₃ va СН₃СООН eritmalarida yaxshi eriydi. Shuning uchun (NH₄)₂CO₃ tuzidan guruh reagenti sifatida foydalaniladi. Ushbu guruh kationlarining sulfat, fosfat hamda oksalatlar ko’rinishidagi tuzlari ham suvda kam eriydi. СаS, CrS va ВаS sulfidlar esa yaxshi eriydi, shu xossasiga asoslanib ikkinchi guruh kationlarini suvda erimaydigan III – V guruh kationlaridan ajratish mumkin.

Са^2+, Sr²⁺ , Ва²⁺ kationlari rangsiz.

Tarkibida kaltsiy va fosfor bo’lgan birikmalar kishlok xujaligida fosforli o’g’itlar nomi bilan ishlatiladi.

Са₃(РО₄)₂ + 2СаSО₄ – fosfat talkoni

Са(Н₂РО₄)₂ + 2СаSО₄ – oddiy superfosfat

Са(Н₂РО₄)₂ – qo’sh superfosfat

СаНРО₄2Н₂О – pretsipitat

Tuproq va ekinning Са²⁺ ионига bo’lgan talabi maromida sug’orish va iste‘mol qilish natijasida ma‘lum darajada kondiriladi. Ва²⁺ ioni zaxarli.

ВаСI₂ va ВаSO₃ tuzlari qishloq xo’jaligida zaxarli ximikatlar sifatida ishlatiladi.