Anafilaktik shokni namoyish etish. Darsning maqsadi

3.Surunkali- patologik o‘zgarishlar yanada sekinroq avj olib, ko‘pincha hayvon tirik qoladi.
Anafilaktik shok paytida quyidagi asosiy o‘zgarishlar ro‘y beradi:

• 
  nerv sistemasini faoliyati buziladi (hayvon bezovtalanadi, tirishadi, qashinadi, qaltiraydi, hatto shol va falajlar paydo bo‘ladi);
  
• 
  yurak faoliyati susayadi;
  
• 
  qon tomirlari tonusi va qon bosimi pasayadi;
  
• 
  tomirlarda qon miqdori kamayadi;
  
• 
  qonda leykopeniya, eritrositoz, giperglikemiya kuzatiladi;
  
• 
  jigar va o‘pka qonga to‘ladi;
  
• 
  moddalar almashinuvi susayadi;
  
• 
  tana harorati pasayadi;
  
• 
  ovqat hazm qilish va endokrin sistemalarining faoliyati buziladi;
  
• 
  nafas markazining falajlanishidan hayvon ko‘pincha o‘ladi.
  

Agar hayvon tirik qolsa organlardagi morfofiziologik o‘zgarishlar birmuncha vaqtdan keyin bartaraf bo‘ladi va hayvon shu anafilaktogenga nisbatan chidamli bo‘lib qoladi.
Antianafilaksiya holati - deb shunga aytiladi. Antinafilaksiya hayvon shokdan chiqqandan keyin 10-20 daqiqa o‘tgach boshlanadi va bir necha xafta davom etadi.
Anafilaktik shokka nechog‘li moyil bo‘lishiga qarab sut emizuvchi hayvonlarni quyidagi tartibda joylashtirish mumkin: dengiz cho‘chqasi, quyon, qo‘y, echki, qoramol, it, mushuk va boshqalar.


1-tajriba.Dengiz cho‘chqasida anafilaktik shokni namoyish etish.
Tajriba uchun kerakli hayvonlar va jihozlar: dengiz cho‘chqalari, shprislar, ignalar, qaychilar, paxta, spirt, otning qon zardobi.
Tajribani o‘tkazish tartibi: 1.Tajribadan 14 kun oldin dengiz cho‘chqasining terisi ostiga 0,1 ml otning qon zardobidan yuboriladi, sensibillanadi, ya’ni organizm sezuvchanligi oshiriladi.
2. Tajriba o‘tkaziladigan kun esa sensibillangan dengiz cho‘chqasining vena tomiriga yoki to‘g‘ridan-to‘g‘ri yuragining ichiga (bo‘shlig‘iga) 1 ml o‘sha zardobdan yuboriladi.

3. 
   Dengiz cho‘chqasi organizmida ro‘y beradigan o‘zgarishlar kuzatiladi.
   

3. 
   Agarda hayvon o‘lsa, uni yorib ichki organlaridagi, ayniqsa yurak va o‘pkadagi o‘zgarishlar aniqlanadi.
   
4. 
   Olingan natijalar va xulosa tajriba bayoniga yoziladi.